AAE-FCS UNTL Realiza Seminariu, Projetu Sexta Bazika Implementa Tuir Lei Aprovizionamentu
SAPNewsTL,Dili: Asosiasaun Akadémika Estudantil Fakuldade Siénsia Sosiais (AAE-FCS, UNTL) Realiza Semináriu Nasional ho tema, Polítika VIII Governo ba Rekuperasaun Ekonomia Hodi Promove Kresimentu Ekonomia Rai Laran, Vise MTKI Domingos Lopes hateten implementasaun ba distribuisaun sesta bázika emprezáriu sira tuir prosesu tenderizasaun tuir lei aprovizionamentu.
“Projetu sexta bázika dehan atu fahe malu de’it ne’e la los, oinsa mak bele akontese se ita nia Lei dehan tuir aprovizionamentu públiku halo tenderizasaun signifika se mak priense kriteria nia mak hetan direitu atu hetan, ita bele husu emprezáriu sira ne’ebé partisipa”. Dehan Vise Ministru Komersiu no Industria Domingos Lopes iha nia diskursu iha seminariu nasional, iha kampus FASPOL, Caicoli, Sexta-Feira, 16/09/2022.
Nia akresenta, tuir Lei aprovizionamentu fo tempu ba emprezariu sira mak sira la satisfaz, sira bele halo krítiku no governu bele hatan maibé prosesu sira ne’e tuir aproviziomentu Timor nian.
“Emprezariu sira iha Timor Laran tomak iha Direitu atu partisipa hotu,ami interview ne’e fatin barak implementa ba sidadaun atu fornese, distribui sesta bazika ba sidadaun presiza kompanha barak liu, ami nia Ministeriu simu ema atus ualu (800) empregu kompete no liu sianulu (90) no sei selesionado nune’e ha’u hanoin hotu-hotu iha oportunidade hotu maibé iha kompetisaun tenki iha balun mak liu no balun la liu”. Nia informa
Iha fatin hanesan Emprezario Timor oan Gally Soares Araujo hatete esperiensia ne’ebé ami hetan no hasoru wainhira sai nu’udár parseiru ho goveno iha tinan kotuk ba implementasaun programa rekuperasaun ekonomika ida naran sexta bazika,krize ka instabilidade politika Rai laran ne’ebe maka akontese iha 2017-2018 ho Covid ne’ebé atinje nivel Global ne’ebé ema hotu sente.
“Iha momento ne’eba ha’u atu ko’alia badak de’it kona-ba ami nia empreza, Kafe u’ut ami foka liu ba iha produsaun kafe tanba sa mak ha’u hili kafe atu sai hanesan baze ida para ha’u bele dezenvolve ha’u nia kapasidade emprezarial no kafe mak ita nia rikusoin ne’ebé maka sertu liu klaru liu,kafe maka sai hanesan numero 2 iha mundu depois de Minarai”. Nia subliña
Nia haktuir, Kafe mak fundamental ba ekonomia Rai laran ne’ebé iha molok ita hetan independensia NCBA rasik mos mai ona ho forsa atu explora no exporta kafe ba Rai liur.
“Ha’u hanesan joven hanesan Timor oan ha’u senti katak ha’u iha obrigasaun tomak la’os obrigasaun moral de’it maibé obrigasaun ida hanesan mehi mos atu kontribui no partisipa iha dezenvolvimento nasional liu husi diversifika ekonomia pro setor agrikola maka kafe”. Emprezariu ne’e hatete
Entretantu, emprezariu ne’e hateten,wainhira asina kontratu ho governu iha kontratu ne’ebá hakerek katak tenki kumpri entrega sasan ho folin total $ 50 dolar ba kada ema iha Timor Laran tomak, hanesan kompanha ida hetan parte ida de’it porsentu ida de’it husi populasaun Timor tomak.
Jornalista: Conzita Mota & João Marito
Editor: Ekipa Editorial