ANAAA Vizita UNPAZ, Sosializa Sistema Bináriu no Kurikulum Foun ba Universidade
SAPNewsTL, Dili : Universidade da Paz (UNPAZ) hetan vizita husi Direktor Ezekutivu Agência Nacional para Avaliação de Acreditação Académica (ANAAA) Edimundo Viegas hodi halo sosializasaun ba Sistema bináriu no kurikulum foun ba sivitas akadémika UNPAZ.
Iha diskursu Magnifiku Reitor Universidade da Paz (UNPAZ) Adolmando Soares Amaral agradese ba prezensa Direktor ANAAA iha UNPAZ hodi sensibiliza ba sira kona-ba Sistema bináriu.
“Lori familia bo’ot Universidade da Paz hato’o Agradese ba Diretor Ezekutivu ANAAA Edmundo Viegas ne’ebé ohin investe ona tempu hodi mai fahe informasaun ba ami kona-ba sistema Bináriu ba Ensino Superior Universitariu sira”. Dehan Reitor UNPAZ Adolmando Soares Amaral iha Aula Prof. Dr. Lucas da Costa, Sexta-Feira, 16/09/2022.
Reitor ne’e mos akresenta tan familia bo’ot UNPAZ sente kontente tanba Direktor Ezekutivu ANAAA bele sosializa ba sira atu harmoniza kurikulum universidade nian tuir polítika Ministri Ensinu Superior nian.
“Ami sente kontente tanba Direktor ANAAA bele mai fahe informasaun kona-ba sistema Bináriu kurrikulum Nasional husi Ministerio Ensino Superior para ba oin ita ajusta no harmoniza ita nia kurrikulum atu la’o tuir politika husi Ministeriu Ensino Superior nian, ne’ebé aprova ona husi konsellu ministru no publika ona iha Jornal Republika”. Tenik Reitor
Entretantu, nia hatutan, Universidade da Paz nu’udár ba Ministru Ensinu Superior presiza asesu ba informasaun importante hanesan ne’e hodi bele tau iha ejenda annual UNPAZ nian.
“Hanesan parseiru ba Ministeriu Ensinu Superior, Universidade da Paz (UNPAZ) presija rona informasaun, ida ne’e importante tebes hodi nune’e UNPAZ bele tau iha ajenda Workshop Anual, ne’ebé mak sei realiza iha Outubru Tinan ne’e”. Nia hakotu
Jornalista: Ariqui Colo & Lita Miranda
Editor: Ekipa Editorial