Aero Díli Sei Semo Ba Austrália & Malásia, Lourenço : Depende Merkadu, Bele Sosa Tan Aviaun”.

Imajen : Chief Executive Officer (CEO) Lourenço de Oliveira

SAPNewsTL, Dili : Chief Executive Officer (CEO) Lourenço de Oliveira hateten fulan Marsu Aero Dili sei hahú semo ba Malásia no fulan Maiu semo ba Austrália.

“Iha loron 28 Marsu, ita semo ba Malázia, semanan ida dala-rua iha loron tersa ho sábadu, portantu ita sai husi ne’e dadersan tuku 8.00 Otl, ita fila-fali tuku 12:00 Otl husi Malásia, ida-ne’e mak ita kompleta ita-nia vô hodi hatán fali fali, sira semo mai ita mós bele semo ba tuir lei aviasaun nian,” Dehan CEO Aero Dili, Lourenço de Oliveira iha Hotel Timor, 27/02/2026

Lourenço hatutan, Aero Dili mós sei halo viajen ba Darwin-Austrália iha loron 24 fulan maiu hafoin Timor-Leste selebra loron restaurasaun 20 de Maiu.

“Iha vô ba Darwin, ita sei ba iha fulan Maiu dia 24, loron 20 maiu ita selebra hotu, ita sei semo ba Darwin, ita ba iha ne’eba tersa-feira no domingu, mais tersa feira ita sai husi ne’e oras 14:00 depois to’o iha ne’eba lori oras 1, ita fila fali 04:00”.

“Iha domingu ita semo ba dadersan 08:00 Otl, depois ita fila fali mai 09:45 Otl, Aviaun ne’e bele foti fali sira ne’ebé tranjit atu ba Bali, Denpasar sira bele aproveita ba fali Denpasar sira hein iha ne’e oras ida deit”.

CEO Aero Dili afirma, Aviaun Aero Dili seidauk semo tuir standar oras semo aviaun nian, bainhira to’o standar semo 300 oras sei aumenta tan aviaun iha tinan 2026 ka tinan oin maibe depende ba merkadu Timor-Leste nian.

“Ita-nia aviaun rua ne’e ida seidauk halo 300 oras, tuir standar aviaun nian, ita sei halo 300 oras fulan ida, ita to’o agora foin maka 200 ital ne’ebe hakarak ka lakoi tenke aumenta tan oras”.

“Aviaun ida sei semo halo 300 oras no ita haree tok, se karik ita-nia merkadu ne’e diak, ita tenke aumenta tan aviaun ida iha tinan ida ne’e ou tinan oin mai”. Nia afirma

Enkuantu, to’o oras ne’e Timor-Leste iha ona Aviaun rua ne’ebe sosa hosi Emprezáriu timoroan Lourenço de Oliveira.