Kazu Soke Mate Zizelma ! PNTL Detein Kondenadu MSdC Hodi Kumpri Prizaun Tinan 4 Fulan 6.

Imagem : Polisia Nasionál Timor-Leste (PNTL) Liu hosi Diresaun Servisu Investigasaun Kriminal (DSIK) detein kondenadu inisial MSdC. Foto : 𝐌𝐞𝐝𝐢𝐚 𝐏𝐍𝐓𝐋

SAPNewsTL, Díli : Autoridade Seguransa, Polisia Nasional Timor-Leste (PNTL) liu-hosi Diresaun Servisu Investigasaun Kriminal (DSIK) ezekuta desizaun Tribunal Judisial Primeira Instansia Dili (TJPID), detein kondenadu inisial MSdC kumpri pena prizaun tinan-haat fulan-neen, hafoin envolve krime neglijente soke mate Zizelma Maria Verdial iha area Delta Fumentu-II tinan kotuk 2025.

Hafoin autoridade DSIK simu mandadu ba detensaun husi Tribunal Judisial Primeira Instansia Dili (TJPID), halo kedan kordenasaun servisu ho komandu PNTL Munisipiu Manufahi hodi lokaliza kondenadu nia hela fatin iha Aldeia Ailuli, Suku Letefoho, Postu-Administrativu Same, Munisipiu Manufahi hodi halo detensaun.

Iha prosesu ezekusaun ne’e autoridade DSIK to’o iha kondenadu nia rezidensia, aprezenta desizaun Tribunal Judisial Primeira Instansia Dili (TJPID), ne’ebé rejistu no numeru prosesu NUC NUC: 0285/25.TRDIL, ba familia ho kondenadu rona tiha ikus mai sira koopera Ho diak.

“Ekipa DSIK tula kondenadu transporta mai iha edifisiu DSIK iha kuartel Jerál PNTL Caicoli hodi halo identifikasaun no sertifikasaun molok lori ba estabesimentu Prizionál Bekora hodi kumpre pena tinan-haat fulan-neen”. Segundu Média PNTL, Dili, 23/04/2026.

Rekorda falı katak iha loron Kuarta (01/04), TR liuhusi Juiz koletivu hasai akordaun ba kazu omesidiu niglijente ne’ebé envolve husi arguidu MSDC hodi rezulta Zizelma Maria Verdiál mate

Nune’e, liuhusi akordaun ne’e, TR kordena kondenadu MSDC ho pena prizaun tanba faktus provądu kondenadu ninia envolvimentu iha kazu ne’e.