Timoroan Na’in Nia Vitória Iha Boxing HSN Bali, Sai Orgullu Nasionál

Imajem : Edital

Sapnews Pro, Bali : Boxista timoroan Délio Anzaqueci Mouzinho halakon boxista indonéziu Saroha Lumbantobing iha holywings Sport Night (HSN) Volume 10 ne’ebe realiza iha Bali, 26 Jullu 2026.

Delio Mouzinho no Saroha Lumbantobing konsege hatudu performansia forte no reziliente to’o tama iha ronda daualu, hafoin arbitu lian hodi anunsia katak Delio mak sai manan na’in iha holywings Sport Night (HSN) Volume 10.

Boxista Daniel Asis Belo mós sai manan nain hafoin fo knock out ba nia adversáriu iha ring leten, hafoin árbitu deside hapara jogu tanba adversáriu refere monu dala barak durante jogu.

Boxista timoroan Alsino mós sai manan nain hafoin halakon nia adversáriu iha ring leten, enkuantu boxista nain tolu seluk hosi Timor-Leste hetan derrota kontra nia adversáriu hosi Indonesia.

Enkuantu, timoroan ne’ebe hela iha kapital Dili halibur malu iha portaun entrada Palásiu Presidente Nicolau Lobato Aitarak-Laran ho entuziasmu no unidade hodi fo apoia ba boxista timorense no akompanha jogu ne’ebe hala’o iha Bali, Indonézia.