Deslizamentu Rai Iha Nepal Rezulta Ema 160 Lakon Vida & 900 Konsidera Desaparesidu
Imajem : Edital. Foto : Getty Image
SAPNewsTL, Nepal : Relativamente ho deslizamento da terra ne’ebe akontese iha Nepal rezulta ema hamutuk na’in 160 lakon vida, ema na’in 900 konsidera lakon iha akontesimentu ne’e no infraestrutura barak hetan estragus.
Tuir informasaun ne’ebe SAP News TL liu hosi Notícia ao minuto no Reuters fo sai katak autoridade Nepal informa, “ema na’in 160 mate no ema atus ba atus konsidera desaparesidu, entre sira maioria turista estranjeiru (26/08/2026)”. Sita Media Notícia Ao Minuto. Nepal, 27/08/2026.
Polísia Nepal informa katak sira hetan ona mate isin hamutuk 157, autoridade China konfirma katak sidadaun China na’in tolu mate iha inundasaun ne’ebe mosu derepente.
Asidente ne’ebé akontese iha fronteira entre Nepal no Tibet hatudu ema pelumenus 98 mate no 600 desaparesidu, maibé númeru ne’e aumenta ona ba ema 900.
Autoridade Nasional ba Redusaun no Jestaun Risku Dezastre (NDRRMA) Nepal konta katak turista hamutuk 484 ne’ebé seidauk bele kontaktu, inklui membru exérsitu 44, polísia 28, membru Força Armada Polísia 13 no traballadór 60 hosi projetu hidroelétriku iha lokal akontesimentu.
China mós relata ema hamutun na’in 265 lakon. Entre turista ne’ebé lakon iha Nepal, na’in 93 hosi Nepal no na’in 391 hosi estranjeiru.
Entre estranjeiru sira ne’ebé lakon mak hanesan ema 133 sidadaun Índia, 47 hosi Estadus Unidus, 34 hosi Austrália, 33 hosi Reino Unidu, 24 hosi Kanada, 19 hosi Malásia, 7 hosi Ukraina, 6 hosi Singapura, 6 hosi África do Sul, 5 hosi Japão, 5 hosi Nova Zelandia, 4 hosi Alemaña, 3 hosi França, 2 hosi Irlanda, 2 hosi Países Baixos, 2 hosi Portugal no 2 hosi Rússia.
Dezenas imajen hosi kamera seguransa ne’ebe Sapnews.com asesu hatudu aldeia ki’ik, reservatóriu bee, ponte no infraestrutura sira nakdoko no destruídu hotu bainhira nivel bee iha mota sa’e derepente. Ema barak mós halai atu salva sira-nia moris hosi inundasaun refere maibe infelismente la konsege.
Autoridade relevante sira mobiliza forsa seguransa no ekipa emerjénsia hodi buka hatene medida estragu no lokaliza ema sira ne’ebé seidauk bele kontaktu.
Katástrofe ne’e estraga pelumenus ponte 80 ne’ebé uza ba transporte, inklui ponte 35 ba tráfiku rodoviáriu no ponte suspensa 45, no mós estrada besik kilómetru 40. Projetu hidroelétriku no infraestrutura sira seluk mós hetan estragu, nune’e difikulta asesu ekipa salvamentu iha área ne’ebe hetan estragus.
Antes ne’e, Servisu Jeolojia Estadus Unidus (USGS) rejista sismu ho magnitude 4,4, maibé depois klasifika fali eventu ne’e hanesan deslizamentu rai.
Tuir USGS, deslizamentu ne’e iha magnitude 5,2 no akontese besik 55 kilómetru ba noroeste hosi Kodari, Nepal.
Governu Nepal deklara área sira ne’ebé afetadu hanesan zona katástro no ordena mobilizasaun helicópteru militár no privadu ba operasaun no halo salvamentu durante fulan tolu.
Governu mós garante asisténsia médika gratuitu ba ema ne’ebé kanek no aselera reparasaun estrada, rede eletrisidade no telekomunikasaun.
