HIVOS-FUNDEF Fornese Formasaun Gratuita Ba Dezempregadu Sira

Imajen Entre Laptop husi HIVOS Ba FUNDEF iha Sentru formasaun FUNDEF, Segunda-Feira(07/11/2022).

SAPNews, Dili : Sentru Formasaun Foinsa’e Unidade Desenvolve Futuru (FUNDEF) servisu hamutuk ho Yayasan HIVOS fornese formasaun gratuita ba juventude sira ne’ebe identifikadu hanesan desempregadu no la remata nia nivel estudu inklui ema ho difisiensia ( EhD ) hamutuk ema na’in 50 kompostu husi feto 25 no mane 25.

Formasaun sira mak hanesan Komputador , Ilustração , Jestaun Administrasaun no Finansas, objetivu husi formasaun ne’e atu haforsa juventude sira nia koinesementu no abilidade iha area refere hodi prepara sira hodi kompete iha merkadu traballu .

“Bazeadu ba asunto hirak ne’e formandus sira sei partisipa masimu iha formasaun teoria no pratika durante fulan tolu (3) iha Sentru Formasaun FUNDEF. formasaun remata FUNDEF sei rekomenda formandus sira ne’e ba halo estajiu durante fulan tolu to’o neen ( 3-6 ) iha institusaun hirak ne’ebe identifika ona hanesan ( Institusaun Estadu , NGO Local no Internasional inklui Kompanha Lokal no Internsional) hodi aumenta formandu sira nia esperensia no abilidade iha fatin pratika / estajiu”. Dehan Diretor FUNDEF Carlos Goncalves ba jornalista iha Sentru formasaun FUNDEF, Segunda-Feira(07/11/2022).

Diretor ne’e hatutan materia ne’ebe sira prende iha FUNDEF iha tipu tolu (4) mak hanesan area ilustrasaun, oinsa mak sira bele halo dezenu ba desing grafik, dezenu aktividade ne’e tau iha internet no ba area komputador sira bele aprende Microsoft Word, Excell, Power point no mos publisher.

Entretantu, Iha area Administrasaun ninian, oinsa mak formandu sira bele halo jestaun iha edifisiu office, hakerek relatoriu ne’ebe diak, resepsionista,portantu, iha areia finansas hanesan rekuest orsamentu, aprova orsamentu no relatoriu orsamentu

Processu seleksaun formasaun ne’e liu husi publika inforrmsaun iha media social facebook FUNDEF ninia ho kriteria ba ema ne’ebe mak dezempregu ka la kontinua eskola liu husi dalan intervista

Tuir Nia, durante tinan sanulu resin-ida (11) FUNDEF produz ona rekursu hamutuk  7113, entre sira 1100 iha ona merkadu de traballu

“bazeia ba database nebe mak ami akumula, katak husi 2011 ate 2022 ne’e FUNDEF produs ona formandu rihun hitu atus ida sanulu resin tolu (7113) maibe sira nebe asesu ba kampu de traballu hamutuk rihun ida atus ida (1100), balu serbisu iha parte governu, F-FDTL, Polisia balu ba serbisu iha rai-liur”. Dehan Nia

Nia mos husu ba juventude sira atu la bele uza oportunidade sai fali autor ba violentu maibe tenki sai autor ba promove dame no bele kria rasik kampu de traballu liu husi asesu formasaun ne’ebe mak iha.

Iha fatin hanesan Niloh Gusti Madewati nu’udar Project Manajer HIVOS hatutan servisu hamutuk entre HIVOS no FUNDEF ida ne’e atu haforsa juventude Timor Leste ne’e durante ne’e seidauk asesu ba kampu de traballu liu husi formasaun, nune’e sira bele asesu ba empregu tanba Timor Leste númeru dezempregu boot tebes

“HIVOS dengan FUNDEF ini pergerakan pertama karna HIVOS sebelunnya, belum perna bekersa sama dengan FUNDEF dan berharap besar dengan nadanya 40 peserta terutama di luar dili untuk menakses pelatihan-pelatian ini sangat sulit, termasuk juga pelatihan ini tidak berbayar jadi berberikan kesempatan kepada teman-teman lainnya yang  berat harus berbayar pelatihan kemudian jauh dan mereka di support penuh oleh HIVOS untuk melakukan pelatihan”. Nia hateten

Enkuantu, Fundus ne’ebe apoiu husi HIVOS durante fulan neen(6) hamutuk rihun hitu (7.000) inklui mos apoiu ho leptop hamutuk neen (6).

Jornalista    : Marcela Lemos

Editor         : Ekipa Editorial