EhD Husu Guvernu Asegura OJE 2023 Ne’ebe Asesivel no Inkluziva
Imajen Komunikadu Imprensa iha Salaun ADTL, Maskarinhas, 21/11/2022
SAPNews TL , Dili : Grupu Promotor Open The Book ne’ebe kompostu husi organizasaun assosiasaun Timor Leste ADTL , Rae’s Hadomi Timor Oan (RHTO) Care Group Transparency (CGT), segunda-feira orseik realiza komunikadu Imprensa konsidera OGE 2023 la sensivel ba ema ho difisiensia iha Timor Leste, tanba ne’e sira husu ba guvernu atu investe ho seriu iha desenvolvimentu ema ho defisiensia iha Timor Leste
Tuir Porta Voz Grupu Promotor Open The Book Bruno Soares Saldanha haktuir, hafoin halo analiza no elabora ba OJE 2023 husi kada ministériu liliu iha ministériu edukasaun, Saúde, Justisa no Ministériu Obras Públikas ladun tau prioridade ba ema ho difisiensia maske halo ona ratifikasaun ba konvensaun direitu ema ho defisiénsia iha loron 4 fulan Jullu 2022
“Hafoin ami analiza klean Orsamentu Jeral Estadu 2023 husi kada ministériu liliu ministériu edukasaun, Saúde, Justisa no Ministériu Obras Públikas, ami anota katak governu seidauk aloka orsamentu ne’ebe adekuadu ba nesesidade ema ho defisiénsia nian iha Timor Leste, durante ne’e ema ho defisiensia durante ne’e nia partisipasaun menuz iha edukasaun vokasional, oportunidade servisu inklui la hetan asesibilidade iha servisu públiku sira”. Dehan Porta Voz Bruno Soares Saldanha Segunda feira (21/11/2022).
Entretantu, nia hatutan Situasaun ema ho difisiénsia to’o oras ne’e sai nafatin grupu ida ne’ebe maka vulneravel liu iha sosiedade timor leste, Relatoriu sensu populasaun 2015 hatudu katak mais ou menus ema hamutuk 38,118 inklui ema (mane hamutuk ema 20,140 ) no ( Feto hamutuk ema 17,978) mak konsidera nu’udar ema ho difisiénsia iha Timor Leste
Iha Parte seluk, Porta voz ne’e mos apresia no agradese ba oitavu guvernu konstitusional tanba iha OJE 2023 hahú iha ona markadores ba asesibilidade ba ema ho defisiénsia, maske ho montante ne’ebe kiik
“Ami hakarak hato’o apresiasaun no agradece wain ba esforsu ne’ebe dadaun ne’e Governu halo ona hanesan iha proposta OJE 2023 hahu tau markadores ema ho difisiénsia, ami enkoraja mos minsteriu sira no Parlamentu Nasional ne’ebe bele kria asesibilidade iha ida-idak nia servsu fatin.”nia tenik
Enkuantu, grupu ema ho difisiensia husu atu guvernu investe makas no seriu iha desenvolvimentu ema ho defisiensia iha Timor Leste liu husi infraestrutura ne’ebe asesivel, Sistema informasaun mak inkluzivu, integradu no asesivel ho fasilidade ne’ebe adekuadu ba ema ho defisiénsia sira
Grupu Promotor ne’e mos husu ba Parlamentu Nasional atu asegura no kontrola implementasaun sir aba OJE 2023 hodi labele sai obtakulu ba desenvolvimentu ema ho defisiensia. Nune’e ema ho defisiensia sir abele goza sira nia direitu hanesan ema seluk iha Timor Leste
Jornalista : Juvita Sarmento
Editor : Ekipa editorial