Fakuldade SISPOL UNITAL Halo Serimonia Judisium Ba Estudante Finalista Nain-37
Imajen Judisista sira iha Salaun UNITAL, 02/12/2022. Foto : Antonio Tilman
(SAP News TL, DILI)- Universidade Oriental Timor Lorosa’e (UNITAL) liu husi Fakuldade Siensia Sosiais no Politika (SISPOL) halo serimonia judisium ba dala XI tinan Akademiku 2022 ba estudante finalista Nain-37 husi departmentu administrasaun publika, Relasaun internasional no komunikasaun sosial ne’ebe ho tema produs rekursu humanu ida ne’ebe kualifikadu hodi kontribui ba prosesu dezenvolvimentu iha futuru.
“Ohin ami halo serimonia yudisium ba dala XI ba estudante Nain-37 , ha’u husu ba judisista sira tenke mantein posizaun hodi kontinua sai nu’udar matadalan ba alin sira hodi transmiti valor sosial ba komunidade liu husi kualker tipu dezenvolvimentu no lori benefisiu ba komunidade tanba ita nu’udar rekursu humanu tenki iha kapasidade no kreatividade hodi inisia ideia ne’ebe nakonu ho leal iha edukasaun iha tempu agora hodi dezenvolve nasaun RDTL”, dehan Dekana Fakuldade SISPOL UNITAL Felicidade Xavier ba jornalista sira iha Salaun UNITAL Becora, Dili sesta (02/11)
Dekana ne’e akresenta, knaar universidade lori estudante atu koñese no haklean pratika iha vida akademiku ne’ebe liu husi prosesu aprendizajen, peskiza no servisu sosial ne’ebe importante liu mak disiplina bele projeta vizaun iha ne’ebe nabilan hodi sai kompetitivu iha era globalizasaun ne’ebe nakonu kompetisaun.
Imajen Ministeriu Ensinu Superior Siensia no Kultura Longinhos Monteiro no Estrutura UNITAL
Iha fatin hanesan estudante finalista husi departamentu administrasaun publika Cornelio dos Santos hatete, nia senti orgullu no kontente tanba loron ohin sai hanesan determinasaun ba nia estudu iha nivel ensinu superior
“Ha’u senti orgullu no kontente hanesan estudante ne’ebe durante prosesu aprendizagem iha tinan lima hahu husi 2017 to’o agora, loron ohin espesial tebes mai ha’u no kolega judisium sira seluk ne’ebe esforsu tinan lima no ohin loron determinasaun lolos ba estudu iha nivel ensinu superior nian”,tenik Cornelio
Estudante ne’e informa tan, difikuldade ne’ebe mak nia hasoru hanesan estudante iha Dili mak osan tamba nia inan aman sira iha munisipiu hasoru difikuldade barak mos maibe hanesan ema kriatura nia sempre iha fe ne’ebe mak forti, atu hala’o estudu iha nivel ensinu superior, nia husu ba kolega estudante liuliu ba alin sira ne’ebe mak foin iha ensinu sekundariu ne’ebe mak sei remata sira nia estudu tenki estuda makaas
nia mos husu mos eskola ensinu superior UNITAL ne’ebe hamriik ho objetivu harii, haburas no hadia hodi fo fatin ba aileba nia oan sira aumenta kapasidade iha vida edukasaun nian no husu ba inan aman sira lori oan sira hodi mai eskola iha UNITAL.
Entretantu iha judisium ne’e total estudante finalista hamutuk nain-37, nain-29 husi departmentu administrasaun publika, nain 3 husi departamentu relasaun internasional no nain-15 husi departmentu komunikasaun sosial.
Enkuantu, Partisipa iha Judisium ne’e maka Ministeriu Ensinu Superior Siensia no Kultura Longinhos Monteiro, Estrutura Reitoria UNITAL No Dekana Fakuldade inklui familia judisista sira
Jornalista : Aquilina Taec & Antonio Tilman
Editor : Ekipa Editorial