Malnutrisaun Sa’e Ba 48%, TL Rejista Rae’s Badak No Anemia Aas Iha Mundu

SAPNewsTL , Díli – Iha Intervista Representante Asesor Primeiru Ministru ba Asuntu Seguransa Ai-han Nutrisaun, Filipe da Costa hateten Mal Nutrisaun no seguransa ai-han iha Timor Leste tuir dadus hatudu Munisipiu tolu hanesan Ermera 63% Ainaru 60% no Oe-cusse 57% labarik no inan isin rua barak afeta ba rais badak, Enkuantu, Ministra Saude Odete Maria Freitas haktuir ministeriu saude iha area saude nutrisaun nian haree katak iha tinan 2016 ou 2017 mal Nutrisaun ho 58% no konsege reduz ba 47%, agora sa’e fali ba 48%.

“Tuir dadus ne’ebe Ita hotu hare iha munisipiu sira hanesan municipiu Ermera 63%, Ainaru 60%, Oe-cusse 57%, municipiu tolu ne’e mak aas liu, fila fali ba anemia nivel mundial nivel nasional labarik sira iha tinan 5 mai kraik hetan problema anemia nia iha 40% ne’e boot maibe munisipiu sira ne’ebe as liu mak 61 prosentu liquisa, 49% husi munisipiu Manatutu 46 % Ainaru, Kovalima, moras ne’e akontese laos ba labarik sira deit maibe ba inan feto sira ne’ebe anemia iha 23%”, dehan Representante Asesor Primeiru Ministru PM ba asuntu seguransa Ai-han nutrisaun, Filipe da Costa ba jornalista iha salaun enkontru Hotel Timor, Quinta-Feira (01/12/2022)

Nia haktuir katak rais badak ne’e laos akonteae deit iha TL maibe iha mundu tomak tanba ne’e objetivu husi semináriu ne’e oinsa serbisu hamutuk hodi rejolve problema malnutrusaun iha Timor Leste

“Esforsu rekursu ai-han atu kombate malnutresaun iha TL maibe, laos iha TL deit mak akontese ida ne’e, iha mundu tomak iha ne’ebe hare ba iha dadus 28% prosentu iha nasaun mundial, agora dadaun moris hela iha seguransa ai-han 22% labarik kiik iha mundu tomak tinan 5 mai kraik rae’s badak, ita mos hatene sekretariu estadu ONU hakarak mai vijita Timor, ita presija fo atensaun ba asuntu ida malnutresaun 48% ne’e, ita mak aas liu iha mundu intermos raes badak no anemia ba labarik sira”.Nia informa

Nia sublina dadus ne’ebe fo sai ona iha tinan 2020 husi ministeriu saude lansa estudu ida konaba TL food nutrition i mos halo ona dukumentu planu asaun konsilidade nasional seguransa ai-han no nutrisaun, dokumentu ida ne’e adopta husi governu, presija mos ajensia responsavel sira atu halo investimentu, ita presija iha planu atu tau osan tanba governu tau ona osan iha 50 Milioes USD

iha Fatin hanesan Ministra Saude Odete Maria Freitas haktuir, ministeriu saude iha area saude Nutrisaun nian haree katak iha tinan 2016 ou 2017 mal Nutrisaun ho 58% no konsege reduz ba 47%, agora sa’e fali ba 48%.

“MS mos servisu hamutuk ho parseiru sira hotu hodi haree liu ba mal Nutrisaun no seguransa aihan iha Timor Leste, atu nune’e bebe no inan isin rua sira ne’ebe mak hetan moras hanesan malnutrisaun karik MS bele rekopera lalais tanba agora ne’e ita komesa hare malturisaun komesa aumenta, seguransa ai-han ba inan no labarik sei menus ba sira”Tenik nia

Nia haktuir parseiru sira hotu tenke halo peskija iha Timor Leste hodi hare kona ba mal nutrisaun iha Timor Leste, nune’e bele prevene no asegura lalais moras ida ne’e.

“MS nafatin halo parseiru ho instituisaun sira hodi tau matan ba labarik no inan isin rua sira no Bebe, nune’e hodi prevene malnutrisaun ba sira hodi asegura seguransa aihan ba sira diak no saudavel ba sira nia saude”.nia hateten

Jornalista  : Antonio Tilman

Editor        : Ekipa Editorial