PR Horta Konsidera Tailandia Matenek Iha Turizmu
Imajen Presidente da Republika Jose Ramos Horta iha Otel Novu Turismo, sabadu 3/12.
SAPNewsTL, Dili : Presidente da Republika Jose Ramos Horta konsidera Tailandia partisipa iha prosesu seguransa estabilidade no sempre apoiu Timor Leste.
Lia hirak ne’e hato’o husi Xefe Estadu, hafoin partisipa iha serimonia”National Day Of The kingdom of Thailand and the 20th Anniversary Of Diplomatic Relations between the kingdom Of Thailand and Timor Leste”(Guest Of Honour), iha Otel Novu Turismo, sabadu 3/12.
“Tailandia partisipa makaas iha prosesu Primeiro seguransa estabilidade Timor Leste hahu kedas forsa INTERFET 1999 batalhaun boot ida i depois kuandu INTERFET muda ba UNTAET deside Tailandia maka forsas makas Liu no General komandante em Xefe ba Forsa da Paz.( Dehan Xefe Estadu Horta iha Otel Novu Turismo)
Tuir Presidente da Republika Horta, haktuir Governu Tailandia sempre apoiu Timor Leste iha sektor Agrikultura no Turismu.
“Governu Tailandia sua Majestade Rei sempre apoio buat hotu hotu iha Timor Leste, iha tinan sira nee nia laran, Sira loke kedas embaixada iha ne’e, programas lubuk ida, Governu Tailandia halo iha Xefe Aldeia, Xefe do Suku maka agrikultura no Turismu,”(haktuir xefe estadu Horta).
Xefe Estadu Horta hateten, Relasaun entre Timor Leste no Tailandia diak tebes durante tinan 20 nia laran no Tailandia mos sei apoiu tan Timor Leste ba Asean.
“Ba oin ita sei haree liliu iha sektor rua Agrikultura no Turismu, Sira bele hanorin ita. iha Azia ne’e matenek ba Turismu ne’e maka Tailandia”.( Tenik Presidente Da Republika)
Enkuantu, ba oin Governu Tailandia Sei apoiu Timor Leste iha rekursus Humanos no finansial hodi tama ba Asean.
Jornalista : Vinsensius Saldanha Morais De Araujo.