Ko’alia Open Government Partnership, KM Halo Sorumutu Extraordináriu
Ministru Presidensia Konselhu Ministru Fidelis Manuel Leite Mangalaens
SAPNewsTL, Dili: Konsellu Ministru (KM) hala’o sorumutu extraordinariu, liu husi projetu ne’ebe apresenta husi ministru finansa (MF) Rui Augostu Gomes, hodi delibera ona atu aprova partisipasaun open government no autoriza MF hodi hahu negosisaun ho banku mundial
“Open Government Partnership ne’e hanesan inisiativa multilaterál ida, ne’ebé lansa iha fulan-setembru tinan 2011, ho objetivu atu garante kompromisu konkretu Governu sira nian ba promosaun transferénsia, fomentu partisipasaun públika, kombate ba korupsaun no utilizasaun teknolojia foun ba fortalesimentu demokrasia partisipativa”Dehan Ministru Presidensia Konselhu Ministru Fidelis Manuel Leite Mangalaens ba Jornalista sira iha, Palacio do Governu, Segunda-feira(20/02/2022)
Governante hatutan, iha loron 28 fulan-novembru tinan 2022, Open Government Partnership avalia ona atu kumpri kritériu partisipasaun nian husi parte Timor-Leste, ne’ebé rezulta iha klasifikasaun mínima husi 75% ne’ebé konklui katak governu Timor-Leste elejivel atu partisipa iha inisiativa multilaterál, sorumutu ohin konsellu ministru delibera atu autoriza MF hodi halo negosiasaun ba banku mundial kona-ba projetu asaun kuidadu saude iha Timor-leste liu husi mellora rapida iha infraestrutura
Fidelis informa, KM delibera atu autoriza Ministru Finansa, Rui Augusto Gomes, hodi hahú halo negosiasaun ho Banku Mundiál (Assosiasaun Internasionál Dezenvolvimentu) kona-ba kondisaun espesífika husi empréstimu ba projetu “Timor-Leste Healthcare Action Through Rapid Infrastructure Improvements” – “HARI’I” (asaun kuidadu saúde iha Timor-Leste liuhusi Mellora Rápida iha Infraestrutura)
Nia akresenta, governu hakarak ho deliberasaun ida-ne’e atu mobiliza asisténsia finaseira nesesaria, iha forma empréstimu, ho objetivu atu hametin infraestutura saude nune’e mos sistema referensia entre unidade saude munisipal no iha sentru ospital sira.
Jornalista : Antonio Tilman