Ponte Eraulo Letefoho Ba Atsabe Kotu, Difikulta Komunidade Transporta Produtu

Imajem : Ponte Eraulo Postu Adminstrativu Letefoho, Munisipiu Ermera,20/03/2023. Foto : Ermelinda Soares

SAPNewsTL, Ermera : Hafoin Udan Boot Iha Munisipiu Ermera Postu Administrativu Letefoho, Rezulta Mota Ho Grande Intensidade ikus mai Mota sobu ponte Diresaun entre Postu Letefoho no Atsabe ba Gleno no Dili.

Hafoin Ponte Refere Kotu Ministru Obras Públikas (MOP), Eng. Abel Pires da Silva Orienta ba Diresaun Jerál Estrada, Ponte Prevensaun no Kontrollu no Seias (DJEPPKS) halo koordenasaun ho kompañia Monte Veado ne’ebé nia ekipamentu pezadu implementa hela projetu iha Munisípiu Ermera hodi normaliza ona estrada kotu iha área suku Eraulu, postu administrativu Letefoho ne’ebé liga entre postu Letefoho no Atsabe ho Gleno, inklui Dili. Maibe Daudaun ne’e udan Boot, Nune’e estraga hikas ona Ponte Refere hodi difikulta movimentasaun transporte Privadu no Públika iha área refere

Enkuantu, tuir Observasaun Jornalista iha Terenu nota katak loron hirak Ne’e sidadaun husi postu rua hanesan Letefoho ho Atsabe surar Atu halo movimentu ba mai hanesan kareta sira, motor bele liu Maibe ema hiit hodi selu Sira husi $5 to’o 10 dolar

Imajem kompañia Monte Veado normaliza ona estrada kotu iha área suku Eraulu, Letefoho, 20/03/2023

Portantu, Hahú husi loron Sábadu to’o agora pasajeiru sira husi postu rua translada deit Sasan ba malu iha fatin refere tanba ponte Refere karreta lábele Liu

Ponte ne’e lokaliza iha Aldeia Madede Suku Eraulo Postu Administrativu Letefoho Munisipiu Ermera, Ponte Refere kotu iha loron 18 Fulan Marsu ne’e.

Entretantu, Komunidade Sira Iha Postu Administrativu Letefoho no Atsabe Preokupa tebes ho kondisaun estrada ne’e tanba Susar ba Sira hodi halo viagem no Transporta sira nia Produtu husi Postu Mai Kapital Munisipiu Ermera no Kapital Dili

Jornalista: Ermelinda Soares