![PD Konsidera Lei Eleitoral Importante, Maibe La Interven Kompetensia PR PD Konsidera Lei Eleitoral Importante, Maibe La Interven Kompetensia PR](https://sapnewstl.com/wp-content/uploads/2023/04/IMG_20230407_213036.jpg)
PD Konsidera Lei Eleitoral Importante, Maibe La Interven Kompetensia PR
Imajen: Deputadu Partidu Demokratiku (PD) Adriano do Nascimento. (foto google)
SAPNewsTL, Dili: Deputadu husi Bankada Partidu Demokratiku (PD) Adriano do Nascimento dehan, lei eleitoral importante tanba bele hasa’e taxa partisipasaun, maibe PD la interven kompetensia Prezidente Republika (PR) nian.
“Partidu Demokratiku (PD) konsidera lei eleitoral importante hasa’e taxa partisipasaun iha eleisaun parlametar 2023 maibe orgaun soberania ida-idak iha ninia kompetensai rasik, PR iha kompetensia rasik hodi promulga ka lae, maibe tuir konstutuisaun Parlamentu Nasional (PN) halo nia knaar hodi halo Lei hodi haruka ba PR, tan ne’e ha’u la halo komentariu tanba saida mak PR seidauk promulga, maibe buat ne’ebé klaru mak orgaun ida-idak iha nia kompetesnia, iha nia regra rasik tuir konstituisaun hateten ona”, dehan deputadu bankada PD Adriano do Nascimento ba jornalista sira iha Parlamentu Nasional, Dili kuarta (05/04/2023).
Deputadu ne’e hatutan, PR hatene ninia kompetensia konstitusional, klaru iha Parlamentu PD vota a-favor ba lei eleitoral, depois haruka ba PR fila mai hodi halo konfirmasaun ba Lei Eleitoral mós PD fó votus a favor nafatin, razaun PD fó votus a favor tanba iha inisiativa ne’e ninia objetivu atu hasa’e taxa partisipasaun, prinsipal liu mak governu atu loke sentru paralelu iha Dili no iha tempu espesialidade mos sira propoin para tau sentru votasaun paralelu iha munisipiu hotu kedas, maibé sira nia proposta ne’e la liu, maibe maioria simu katak atu halo deit hanesan aplika iha eleisaun Prezidensial 2022.
Adriano informa, sentru votasaun paralelu diak tanba ema sira ne’ebé halo knaar iha Dili, karik la iha tempu atu ba ou la iha osan atu ba tuir eleisaun iha ninia suku, nia bele vota iha ne’e, tanba ne’e mak PD hakarak tau artigu ne’e iha lei ne’e no artigu ne’e preve duni, kartaun eleitoral mai husi husi munisipiu seluk, la presiza fila ba nia fatin, bele vota iha fatin ne’ebé deit, ida ne’e diak mos ba ema hotu, hodi hasa’e tasa partisipasaun ema iha votasaun, ida seluk loke sentru votasaun iha fatin ne’ebé do’ok ho aldeia ne’ebé dook para hakbesik sentru votasaun ne’e ba povu para povu bele fó nia votu, tanba buat sira ne’e hotu mak PD fó apoiu, tanba PD hakarak ema hotu-hotu bele vota.
Nia salienta, lei ida uluk ne’e bainhira to’o ona eleisaun prezidensial no parlamentar, militante no simapatizante sira mai husu governu para prepara kareta husu partidu sira atu fasilita kareta ba para fila ba suku hodi ezerse sira nia direitu, maibe kapasidade finanseiru limitadu entaun sira la ba vota, tanba ida ne’e mak PD hanoin katak presiza halo alterasaun ba lei ne’e, Lei ne’e altera duni, komu iha ona prezidente nia liman no prezidente mos halo tuir knaar tuir konstituisaun, tuir Lei ne’ebé ha’u la fó komentariu ba ida ne’e.
Reprezentante Povu iha PN ne’e hatete tan, PD tau importansia ne’e mak PD fó votu a favor iha jeneralidade bainhira inisiativa ne’e mosu no halo tan proposta iha diskusaun espesialdade, depois fó tan votu iha aprovasaun final no global, fó tan a favor dala ida bainhira PR haruka mai hodi halo konfirmasaun, PD nafatin fó votu a favor, lei ne’e importante atu hasa’e taxa partisipasaun, no ba jornalista sira mos bele ba vota iha ne’ebé deit, kuandu halo kobertura, se la’e sira tenke ba fali suku hodi ezerse sira nia direitu, maibe sira halakon sira nia knaar halo kobertura ne’e.
Reportajen: Ermelinda Soares