Funsionáriu no Ajente Administrasaun Públiku Iha TL Total Rihun 35.212
![](https://sapnewstl.com/wp-content/uploads/2022/05/index-3-650x366.jpg)
DILI – Komisaun Funsaun Públika hanesan Instituisaun Independente ida ne’ebe hari’i ho baze ba Lei numero 7/2009, 15 Jullu ne’ebe estabelese husi Estadu Timor-Leste, Prezidente KFP Fautinho Cardoso hateten Funsionáriu Permanente no Ajente Administrasaun Públika Iha Timor-Leste Total 35.212
Tuir Presidente Komisaun Funsaun Públika Faustinho Cardoso hateten, Komisaun Funsaun Publika (KFP) ninia dever ida mak aprezenta relatoriu anualmente ba Parlamentu Nasionál no Governu kada tinan.
״Nia (KFP) hanesan orgaun responsavel atu regula no asegura funsaun públika ida ne’ebe imparsial, livre husi interese politiku sira, profisional baze ba meritu, presta servisu ho kualidade no proporsionalidade ba povu Timor-Lesteʺ. Tenik Prezidente KFP Faustino Cardoso ba Jornalista sira iha Parlamentu Nasionál, Dili, 13/05/2022
“Iha relatóriu (KFP) ne’e kompostu husi informasaun sira hanesan atividade komisaun nian relativamente ho rekrutamentu, selesaun pessoal, nomeasaun sira, promosaun, avaliasaun dezempenhu, formasaun dixiplinar, pensaun no reforma, no jestaun rekursus umanus iha funsaun publika״. Nia informa
“Tuir dadus administrasaun publika durante tinan ida nian iha 31 de dezembru 2021 Funsionariu kompostu husi funsionariu permanente no ajente administrasaun publika hamutuk rihun tolunulu resin lima-atus-rua-Sanulu-resin rua (35,212) ne’ebe kompostu husi feto rihun sanulu resin rua, atus haat sanulu resin sia (12,419) no mane rihun ruanulu resin rua atus ualu sianulu resin tolu (22,893)”. Nia fundamenta
Nia akresenta iha parte formasaun nian (KFP) rejista sertifikadu iha sistema hamutuk rihun rua atus lima hitu nulu resin neen (2,576) husi total funsionariu hamutuk rihun ida atus rua tolu nulu resin rua(1.232) Feto atus haat rua(402) no mane atus ualu tolu nulu(830).
״Relasiona ho pensaun no reforma KFP rejista dadus ba tinan 2021 nian hamutuk atus rua neen nulu resin lima, kompostu husi feto neen nulu resin rua (62) no mane atus rua tolu (203)״.
Enkuantu, relasiona ho ezekusaun orsamentu ba aktividade sira KFP nian baze ba planu asaun anual 2021 nian konsege ezekuta 72%, orsamentu ho total $3,175,411.00 Fim. Nia hakotu
Reportazen : Conzita Mota
Editor : Jonh Maritu