KFP Konsege Ezekuta OJE 2021 To’o 72%, Ohin Entrega Relatorio Ba Prezidente PN
DILI – Prezidente Komisaun Funsaun Públika Faustinho Cardoso Entrega Relatória KFP Anual hanesan Rekrutamentu, Selesaun Pessoal, Nomeasaun sira, Promosaun, Avaliasaun Dezempenhu, Formasaun, Disiplinar, Pensaun no Reforma, no Jestaun Rekursus Umanus iha Funsaun Públika ba Presidente Parlamentu Nasionál
Tuir Presidente Komisaun Funsaun Públiku Faustinho Cardoso hateten, Komisaun Funsaun Publiku (KFP) ninia dever ida mak aprezenta relatorio anualmente ba Parlamentu Nasionál no Governu iha fulan marsu nia laran relasiona ho aktividade KFP nian ba tinan anterior nian
ʺKomisaun Funsaun Públika hanesan instituisaun independente ida ne’ebe harii ho baze ba lei numero 7/2009, 15 Jullu ne’ebe estabelese husi Estadu Timor-Leste, Nia hanesan orgaun responsavel atu regula no asegura funsaun públika ida ne’ebe imparsial, livre husi interese politiku sira, profisional baze ba meritu, presta servisu ho kualidade no proporsionalidade ba povu Timor-Lesteʺ. Tenik Presidente KFP Faustino Cardoso ba Jornalista sira iha Parlamentu Nasionál, Dili, 13/05/2022
“Iha relatóriu (KFP) ne’e kompostu husi informasaun sira hanesan atividade komisaun nian relativamente ho rekrutamentu, selesaun pessoal, nomeasaun sira, promosaun, avaliasun dezempenhu, formasaun disiplinar, pensaun no reforma, no jestaun rekursus umanus iha funsaun publika״. Nia informa
Faustinho hatutan Realizasaun atividade promosaun kareira rejime jeral ba datoluk ne’ebe publika ona iha Jornal Repúblika, promovidu hamutuk Atus ualu hitu nulu resin ualu (878) kompostu husi feto atus tolu lima (305) no mane Atus lima hitunulu resin tolu (573). Dehan Faustino
“Tuir dadus administrasaun publika durante tinan ida nian iha 31 de dezembru 2021 Funsionario kompostu husi funsionario permanente no ajente administrasaun publika hamutuk rihun tolunulu resin lima-atus-rua-Sanulu-resin rua (35,212) ne’ebe kompostu husi feto rihun sanulu resin rua atus haat sanulu resin sia (12,419) no mane rihun ruanulu resin rua atus ualu sianulu resin tolu (22,893)”. Nia fundamenta
Nia akresenta iha parte formasaun nian (KFP) rejista sertifikadu iha sistema hamutuk rihun rua atus lima hitu nulu resin neen (2,576) husi total funsionario hamutuk rihun ida atus rua tolu nulu resin rua(1.232) Feto atus haat rua(402) no mane atus ualu tolu nulu(830).
״Relasiona ho pensaun no reforma KFP rejista dadus ba tinan 2021 nian hamutuk atus rua neen nulu resin lima,kompostu husi feto neen nulu resin rua (62)no mane atus rua tolu(203)״.
Enkuantu, Presidente Faustinho deklara, relasiona ho ezekusaun orsamentu ba aktividade sira KFP nian baze ba planu asaun anual 2021 nian konsege ezekuta 72%, husi orsamentu ho total $3,175,411.00 Fim. Nia hakotu
Reportazen : Conzita Mota
Editor : Jonh Maritu