Estudante Enfarmagem UNTL Halo Limpeza Jeral Komemora Loron Enfarmagem

Dili – Estudante UNTL Fakuldade Medicina Siénsia Saúde, Departamento Enfarmagem Hamutuk 183 Realiza Aktividade Limpeza Jeral Hodi Komemora Loron Enfermagem Iha Jardim 5 de Maiu Dili.

Tuir José Mario de Jesus Soares, Limpeza Geral hanesan aktu siviku husi Estudante Departamentu Enfarmagem Periodu 2022 hamutuk ho estudante senior sira iha Fakuldade Medicina Siénsia Saúde hodi komemora loron Enfarmagem.

ʺAtividade Limpeza ohin, mai husi ha’u nia inisiativa, partilla informasaun ba departamentu no superior de enfarmagen sira apoiu ami ho sira nia ideia, sira nia espiritu ho sira nia forsa tomak mak ami hamutuk halo limpeza jeral ida iha fatin ida ne’e hodi komemora Loron Enfarmagem״. Tenik Xefe Komisaun Jose Mario de Jesus Soares, Jardim 5 de Maiu Dili, 12/Maiu/2022.

ʺObjetivo husi atividade ida ne’e atu komemora ka halo festeza ida kona ba loron aniversariu infermeiros/a sira nian iha mundo tomak, no mos parteira iha mundo tomak espesialmente iha Timor-Leste״.

Nia hatutan, Komunidade soe fo’er arbiru iha pursentagem ne’ebe mak boot tamba iha fatin publiku barak ita sei  haree katak ema kontinua soe foer arbiru, maske ita nia sociedade presija fatin ne’ebe mak Moos, dignu no seguru.

ʺIta presija tau liman hamutuk hodi avansa ba oin, tanba normalmente ema balun dehan joven mak hanesan aktu de krime entaun ita presija tau hanoin ida nu’udar akademista ida ita tenki iha hanoin ne’ebe mak diak no saudavel hodi kontribui ba nasaun nia desenvolvimetu״. Nia hakotu

Iha fatin hanesan, estudante Mario Pereira hateten Limpeza jeral ida ne’e halo hodi selebra loron enfarmagem sira nian, atividade limpeza ida ne’e fo fanun ema hotu katak ema hotu presiza servisu hamutuk  hodi garante ambiente ne’ebe seguru

ʺHa’u hakarak ambiente Timor ida matak, moos, seguru ba ema hotu, ita Timor oan hotu tenki uza konsiénsia hodi servisu hamutuk iha fatin ne’ebe deit, labele soe lixu arbiru no foti lixu tau iha nia fatin, ne’e nu’udar kontribuisaun ida ba ita nia País nia desenvolvimentu״. Dehan Mario Pereira Estudante Departamentu Enfarmagem UNTL.

Enkuantu Estudante ne’e husu ba joven sira atu kuidadu didiak ita nia ambiente, proteze ita nia ekolojia, hadomi natureza no soe fo’er iha fo’er fatin tanba joven mak futuru, no ai rin ba nasaun.

Jornalista : Absalão da Costa Lopes

Editor : Luis dos Santos Pailofo