Feto Forte Nasaun Forte, Feto Prontu Lidera Mudansa
Dili SapNewsTL – Fundasaun Alola Realiza Seminario ho Tema Feto Prontu Lidera, Lideransa Feto Inspirsaun Ba Mudansa Kultura Polítika Iha Timor-Leste, Oradora Dra. Milena Pires hateten atu lori joven sira kompriende didiak Lala’ok Polítika, Ativista, ekonomia no Demokrasia iha sira nia moris.
Tuir Orador Dra. Maria Helena Lopes de Jesus hateten Feto iha oportunidade atu bele partisipa iha Ekonomia apoiu saida mak feto iha atu bele partisipa iha Desenvolvimento Ekonomiku iha ita nia Desenvolvimento rai rasik
“Tamba sa mak ha’u hakarak esplika tópiku ida ne’e, primeiru tamba ita joven no imi hotu tenke kompriende didiak saida mak politika, segundu hakarak organiza lolos Joven feto ho mane sira ho organizsaun ida ne’e bele fo inspirasaun no informasaun ba ita rasik bele sai artivista i halo demokrasia konaba asuntus ne’ebe importante ba ita ida-idak iha ita nia moris״. Dehan Maria Helena ba Jornalista SapnewsTL iha fatin Fundasaun Alola Quarta-Feira (11-05-2022).
ʺIha Asuntus oioin ho informasaun ne’ebe imi bele hetan bele fo korajem ba imi hotu atu bele partisipa iha vida politika direitamente através partisipasaun iha Partidos Polítikus ou Nu’udar artivista atraves Demokrasia ne’ebe mak imi ida-idak hala’o, razaun ida seluk tamba hanoin katak importante los ba iha ita nia rai laran i iha responsabilidade ba iha ita nia ukun nain sira״. Nia informa
Iha Fatin hanesan Directora Fundasaun Alola Maria Imaculada Guterres hateten, seminariu ida ne’e hala’o ho objetivu hakarak atu kapasita no hasa’e kunhesimentu foinsa’e sira nian iha area lideransa no politika nasaun nian.
“Ami interese halo aktividade ida ne’e, tamba hakarak kapasita foinsa’e sira Liuliu foinsa’e feto sira oinsa para bele hasa’e sira nia konhesementu ba area lideransa nian iha vida politika nian tamba ita hatene katak juventude ne’e hanesan ai-rin no sira mak futuro nasaun nian״. Dehan Directora Fundasaun Alola Maria Imaculada Guterres ba Jornalista SapNewsTL .
ʺNune’e kapasita sira sai Foinsa’e ida ne’ebe diak ho sira nia konsiensia rasik atu sira mos bele sai hanesan transformador iha Sosiedade nia leet no mos bele sai inspirador ativista ida atu bele lori mudansa ba iha Sosiedade sira nia leet “.
Directora ne’e akresenta, Liu husi Oradora Milena Pires ne’ebe bele fahe ona ninia esperiensia rasik ne’ebe mak nia iha bele fahe no habelar ba iha ita nia foinsa’e sira atu bele hetan inspirasaun hodi kapasita diak liu tan sira nia aan hodi prepara aan ba iha futuro aban bainrua nian katak feto mos prontu atu lidera, Feto mos prontu atu hola parte hotu iha vida politika. Hakotu Direktora Maria Imaculada.
Reportagem : Conzita Mota
Editor : Benezia dos Reis