ESG Públiku Likisa Komemora Aniversáriu Ba Dala VII Ho Jogo Amizade Iha bazartete
Likisa – Eskola Sekundaria Geral Públiku Liquica Klasse Paralelu Bogoro realiza jogu amizade entre estudantes Komemora Eskola Nia Aniversáriu ba Dala VII Iha Postu Administrativu Bazartete Munisipiu Likisa.
Tuir Presidente Komisaun Sr.Erdiano Jeronimo de Jesus hateten katak Dialogo Ida ne’e realiza hodi komemora loron paralelu Bogoro nian ne’ebe Mak monu iha Dia 2 de Maio.
“Hau iha inisiativamente atu hala’o atividade jogus Ida ne’e atu selebra deit loron dies natalies ba Klasse Paralelu Bogoro ne’ebe Mak monu iha Dia 2 de Maio kada tinan, ho inisiativa ida ne’e Alumni Sira hahú hosi 2015 to 2021 no alumi ativo Sira no mos professores Sira hotu hodi komemora loron ida ne’e Liu husi jogu no atividade seluk Tan”. Dehan ba Jornalista SapNews iha Liquica Bogoro, Tersa-feira (10/05/2022).
Sr. Erdiano hatutan Tan katak, Sira sei konvida inan aman husi antigo alunos no kolega alumi ativo sira atu mai participa hotu iha eskola nia loron ne’ebe Mak sei selebra iha dia 14 de Maio.
“Dia 10 de Maio 2022, Ami komemora loron eskola nian ne’ebe atividade sei to’o iha dia 13 de Maio, pois iha dia 13 de Maio sei iha misa fo agradesimento ba eskola Nia loron, Depois de remata misa ami sei iha diskusu no jogu, ikus Liu ami sei konvida inan aman husi antigo alunos no kolega alumni ativo sira atu mai participa hodi komemora hamutuk eskola Nia loron iha dia 14 de Maio 2022”. nia hakotu
Enkuantu, Jogu amizade ida ne’e sei finaliza iha loron 14 fulan Maiu ne’e, tuir Presidente Komisaun Erdiano Jeronimo de Jesus sei konvida alumni no familia Eskola Sekundaria Geral Públiku Liquica Klasse Paralelu Bogoro hodi hola parte iha serimónia importante ida ne’e.
Reportagem: Justino de Jesus Soriano
Editor : Antonina Lopes Da Silva