Guvernu Sei Aprensenta OR & Revoga Lei Transparênsia Finansas
SAPNewsTL,Dili: Hafoin Enkontru Semanal entre Primeiru Ministru (PM) ho Presidente Repúblika (PR) José Ramos Horta ohin iha Palasiu Presidensial Nicolau Lobato Ai-Tarak Laran, PM Kayrala Xanana Gusmão informa, Objetivu husi enkontru ohin relata ba Presidente da Repúblika kona-ba lei organika governu nian ne’ebe kompleta tiha ona atu promulga no orsamentu retifikativu (OR) 2023 nian
“Ohin, Mai relata ba Prezidente Republika kona ba Organika Guvernu, Orsamentu Retifikativu ne’ebe Iha, Governu anterior ninia orsamentu ba tinan 2023 dois bilhões Cento Cinquenta e Cinco milhões (2.155.000.000), agora atu hare husi jullu to’o dezembru osan refere saida mak atu gasta ba no saida mak la bele atu gasta”.
“Ko’alia uituan mos kona-ba irregularidade balun, ida ne’e mak ami informa ba Prezidente Republika atu revoga ka altera tiha no mos hadia lei sira ne’ebe mak sira hatama hodi muda tiha sistema sira ne’ebe mak uluk nian”. Tenik PM Kayrala Xanana Gusmão Iha Palasiu Presidensial Aitarak-laran, 27/07/2023
PM Xanana Gusmão akresenta, “Iha buat boot ida mak ita hasai husi bens servisu maibe hasai ho regras la’os halo kona-ba salariu deit, ita selu ho bens servisu no mos prepara an ba iha orsamentu 2024 ne’e tuir prinsipiu orsamentu por programa atu saida deit mak tama ona iha programa mak foin gastu, Osamentu ne’e nia pedidu anual Hahú iha loron 1 Janeiru to’o 31 Dezembru”.
Xefe Governu ne’e realsa, Guvernu lakohi kontinua kumpri regras antes, Maibé Guvernu sei revoga Lei Transparênsia ba Orsamentu
“Gastus ba buat hirak ne’ebe la’o seidauk loos, ami agora hahu dadauk ona hodi uza orsamentu retifikativu atu hare dois bilhões es sira ne’e hodi uza iha tinan 2023, ita mak lakohi atu kumpri regras, ami sei kontinua nafatin saida mak ita la bele gasta no ita revoga fila fali lei Transparênsia Ka Sistema Finansas, responsabilidade kona-ba osan povu nian “. Nia dehan
Primeiru Ministru informa, Guvernu sei haruka Orsamentu Retifikativu ba Parlamentu Nasionàl iha loron 10 fulan Agostu, Nune’e Guvernu bele hala’o nia servisu no konkretiza planu sira ne’ebe iha
Entretantu, kona ba Sasan Folin Sa’e, Governante ne’e afirma sei haree, maibe em Prinsipiu Nia la aseita ho Sasan Folin Sa’e iha Merkadu, Portantu tuir Informasaun ne’ebé SAP News asesu, Sasan ne’ebe Folin Sa’e Mak Foos, Mina no seluk-seluk tan
Jornalista: Lídia Amaral