Problema Lixu, PN Preokupa Xefe Suku & Komunidade Tibar Afeta Moras Respiratóriu
SAPNewsTL, Dili: Deputada Lidia Norberta preokupa komunidade Tibar afeta moras respiratoriu tanba kauza husi lixu maibe seidauk hetan responde husi parte relevante liliu governu.
“Ami mos simu informasaun balun husi Munisípiu Liquisa katak lixu Tibar ne’e, infelizmente daudaun ne’e xefe suku Tibar ho nia komunidade balu hetan ona moras respiratoriu, xefe suku ne’e foti bebeik kestaun ne’e ba autoridade sira, maibe nunka hetan resposta, to’o ikus xefe suku ne’e ho nia komunidade sira mak sai vitima nafatin”, dehan Deputada Linda Norberta iha Uma Fukun Parlamentu Nasionàl (PN), 24/07/2023
Deputada ne’e hatutan, iha situasaun ida ne’e iha governasaun anterior iha ona asinatura kontratu ida ho kompannia TimorPort sira hakarak mos atu halo solusaun transforma lixu ne’e sai industria lixu, entaun halo akordu maibe depois iha dezentendimentu ba iha rai ne’e seidauk iha solusaun
Nune’e, Deputada ne’e husu governasaun ida ne’e hodi tau atensaun ba situasaun ne’e, para labele halo fali prosesu ida ne’e demora
Nia informa tan, tanba demora iha fatin sai fali fatin ba labarik sira halimar, iha plenaria, fo sala deit ba autoridade munisipiu Dili ka Ministériu
Jornalista: Ermelinda Soares