Portugal Sei Estabelese Programa Estratéjiku Ho Timor Leste

SAPNewsTL,Dili : Primeiru-Ministru, Kay Rala Xanana Gusmão no Primeiru-Ministru Portugál, António Costa diskute akordu kooperasaun estrateziku ne’ebé rai rua sei estabelese iha tinan 2024 too 2028.

“Ami hala’o ona reuniaun di’ak no agradese tebes ba Primeiru-Ministru António Costa, hakarak hateten katak ne’e nu’udar vizita ida espesiál tebes, tanba iha inisiu mandatu ha’u nia governasaun, iha ne’e Primeiru-Ministru António Costa ko’alia kona-ba planu kooperasaun tinan 2024-2028, ba oin ita sei nafatin iha kontaktu hodi asina akordu sira ne’ebé sei tau iha planu prioridade,” dehan PM Xanana

Iha fatin hanesan, Primeiru-Ministru Portugál, António Costa informa vizita ne’e hodi hametin amizade no aproveita komprimenta PM Xanana Gusmão, ne’ebé asume kna’ar nu’udar Primeiru-Ministru IX Governu Konstitusionál

“Ha’u agradese tebes hala’o vizita mai Timor-Leste, no ohin mai hala’o reuniaun ho Primeiru-Ministru Xanana Gusmão, ne’e hanesan oportunidade ida hodi mai hasoru malu. Ho Primeiru-Ministru Xanana, nia nu’udar luta ba independénsia Timor-Leste nian”.

“Vizita ne’e nu’udar momentu importante tanba ho governu foun ha’u mak nu’udar Primeiru-Ministru dahuluk mai vizita, tanba ne’e hakarak agradese ba Xanana fó oportunidade ba ha’u hodi inísiu formasaun Governu,” informa PM António.

Xefe Governu Português reforsa tan Portugál no Timor-Leste nu’udar nasaun maun alin iha istória barak maka hametin rai rua no povu nia amizade hodi buka apoia malu estabelese programa estrateziku iha tempu besik.

“Ami ko’alia mós kona-ba preparasaun programa estratréjiku kooperasaun entre tinan 2024-2028, hodi korresponde ba prioridade sira Governu Timór nian, ne’ebé presiza implementa durante mandatu ne’e ba oin,” nia hateten.

Entretantu, Xefe Governu Portugál António Costa ho delegasaun membru governu to’o iha Palásiu Governu simu hosi Primeiru-Ministru, Xanana Gusmão akompaña hosi membru Governu sir

Jornalista : Lídia Amaral