PDC Promete Habadak Birokrasia, Diversifika Ekonomia no Desenvolve Turizmu
SAPNewsTL,Baucau:Partidu Demokrata Cristão (PDC) Realiza dor to dor iha Posru Administrativu Baucau vila Suku Kaibada, PDC Promete Sei Prioritiza programa setor Ekonomia no Financas iha tinan 2023-2028
Presidente PDC Francisco de Araujo Haktuir “PDC mai ho programa Setor Ekonomia no Financas, Tanba durante tinan 20 Timor Leste Depende makas liu ba iha fundus Minerais no duadores sira, Portantu PDC sei maximiza diversifikasaun iha area Agrikultura, Turismu no Manufaktura”. Tenik Presidente PDC Francisco de Araujo ba Jornalista Sira iha Baukau, 06/05/2023
Francisco hatutan Nasaun Timor Leste ekonomikamente independente mak governu no Estado presija mos kria kondisaun ba setor privadu sira, kooperativu no publiku ne’ebe hatur ona iha konstituisaun, nafatin haforsa relasaun ho parseiru estratejiku no dezenvolvimentu hodi Hasa’e kresimentu ekonomia ba mediu altu iha tinan 2030
Prezidenti PDC nee mos salienta, “Ita Presiza Hamenus mos birokrasia ne’ebé naruk no dezenvolve sistema dijitalizasaun atu fasilita diak iha prosesu governasaun tomak,fasilita mos setor privadu no banku nasional,kooperativu sira liu husi modalidade kreditu ho funan Ne’ebe mak kiik(menus husi 3%jurus)husi banku ba kreditor.Incentiva mos kooperativa komunitaria hodi haforsa sistema servisu komunal”. Nia hatete
Alende ne’e mos nia informa, Lokaliza mos sistema servisu infraestrutura kiik liu husi Nivel Postu Suku no Aldeia ho maneira ne’ebé mak komunal hodi bele sirkula osan ba povu sira nia leet, prevene mos tenderizasaun ba kompañia sira ne’ebe mak iha benefisiu ba grupo kiik sira, nune’e grupu kiik sira bele iha tenderizasaun diak ho kompañia sira hotu.
Entertantu, aktividade dor to dor ne’e realiza iha Suku Kaibada Postu Administrativu Baucau Villa, Munisipiu Baucau, iha ne’ebé hetan partisipasaun masimu husi militante no familia sira hotu, la hetan observador husi CNE no parte seguransa PNTL, Portantu iha loron aban Partidu PDC la konsege halo aktividades kampanha iha Munisipiu Lauten no sei realiza deit komunikadu imprensa iha Munisipiu Baucau.
Jornalista: Lídia Amaral