Aban, Timor-Leste Simu Restu Mortal Preladus Ho Serimónia Ofisiál no Parada Militár

Imajem : Edital

Sapnews Pro, Díli : Relativamente ho restu mortal preladus husi Dom Jaime Garcia Goulart, Dom José Joaquin Ribeiro, no Monseñór Martinho da Costa Lopes ne’ebé oras ne’e iha Bali, aban sei to’o Aeroportu Internasionál Nicolau Lobato, Dili iha oras 13:30.

Ministru Administrasaun Estatal Tomas Cabral haktuir “restu mortal preladu sai husi Lisboa iha loron 28, to’o iha Bali, Indonesia iha loron 29”. Durante loron tolu rai iha Bali, aban sira sei lori ho Aero Dili, nune’e “Resta mortal Preladu sira to’o iha Aeroportu Internasionál Nicolau Lobato iha horas 13:30”.

Resta mortal Preladu sira to’o mai Timor-Leste liuhusi Aeroportu Internasionál Nicolau Lobato, hafoin sei iha termu de entrega ba Igreza Katólika.

Komisaun Organizadora Governu nian no Parada Militár sei simu. Tuir mai asinatura termu entrega resta mortal preladu sira entre Komisaun Organizadora Governu nian no Konferénsia Episcopál Timorense (CET).

Tuir mai serimónia simu ofisiál hosi CET, inklui saudasaun kulturál tradisionál “Sergala”, iha área Aeroportu Internasionál Nicolau Lobato. Hafoin translada restu mortal preladu sira ba Tasi-Tolu tuir resepsaun no koordenasaun ne’ebé iha.

Iha loron 2 fulan Setembru, Komisaun sei translada restu mortal preladu Monseñór Martinho da Costa Lopes ba postu administrativu Laleia hodi halo tuir kultura família nian no misa iha igreza Parokia Laleia.

“To’o ne’ebá sei simu husi Dioseze Baukau iha fronteira atu tama ba Laleia, vizita nia rezidénsia, iha ne’ebá mós ho 50 Minutu ba família hodi halo tuir lisan nu’udar Timoroan nia kultura no 10 Minutu ba organiza hodi militár sira lori ba Igreja tanba serimónia tomak iha Igreja”.Informa Ministru Administrasaun Estatal (MAE) Tomas Cabral iha Tasi-Tolu,31/08/2026

‎Governante ne’e konta, iIha tempu ne’ebá Monsenor Martinho nu’udar administradór Dili, “timoroan nian tanba ne’e ita hotu-hotu bele marka prezensa iha Laleia, depois de ida ne’e iha loron 3-09-2026 oras 09:00 sei misa iha Laleia hotu sei mai iha ponte Manatutu.

“Tanba Konsellu Ministru aprova ho rezolusaun ida hodi fó omenajen no serimónia entrega husi komunidade Laleia mai iha komunidade administrasaun Munisipál Manatutu no komunidade husi postu-administrativu 6 sei hein hotu iha ponte rohan, depois omenajen hotu Prezidente Repúblika sei hala’o diskursu”.

‎‎Iha loron 4-09-2026 dader depois misa hotu sei mai fali Dili sei iha ajenda balun tanba Monsenor sei ba fali nia uma ida ne’ebé uluk hela ba no Amu Bispu ida sei ba Instituo de Filosofia e Teolojia (ISFIT), hafoin sei lori mai fali iha Tasi-Tolu.

‎‎Iha Loron 9-09-2026 sei inaugura no entrega monumentu ne’ebé mak halo ona iha katedral nia kotuk, monumentu ne’e sei fó omenajen ba Igreja Katólika no ekipa tomak ne’ebé fó sira nia vida ba rai ida ne’e. Serimonia ne’e sei partisipa hosi Primeiru Ministru, Bispu sira no bainaka importante sira

‎‎Iha loron 9-09-2026, governu no Igreja Katólika sei iha serimónia inaugurasaun ba muzeu Amu Bapa João Paulo II nian no prezide nafatin husi sua exelénsia Primeiru Ministru, iha loron 10-09-2026 lokraik sei halo misa iha Tasi-Tolu sei hakoi iha katedral maibé ho entidade ne’ebé registradu mak ba.

‎Tuir komferénsia imprense ne’ebe parte governu no igreza hala’o iha Tasi-Tolu afirma katak preparasaun besik ona 100%, tan ne’e konvida sarani katólika hotu hodi partisipa, kontribui no asegura estabilidade iha serimonia resesaun to’o serimonia final iha loron 10 fulan Setembru.