APC-TL Distribui Material Ba Vitima Dezastre Natural Iha Munisipiu 4
Komunikadu Imprensa husi Autoridade Potresaun Sivil, iha salaun APC Caicoli, segunda (16/01/2023).
SAPNewsTL, Dili: Liu husi komunikadu Imprenda haktuir Autoridade Potresaun Sivil Timor Leste(APC-TL sigla portuges) entrega ona material ho emerjensia ba vitima dezastre natural iha munisipiu haat RAEOA, Bobonaro, Covalima no Manufahi, tanba iha loron 11 to’o fulan janeiru 2023 ne’ebe rezulta uma kain haat estraga ema mate ida.
“Durante semana kotuk iha rejiaun Timor- Leste at tebes, akontese tipu dezastre natural hanesan anin-boot, udan boot, ahi-han no rai-halai, CNOPC-APC rejistu uma kain hamutuk 4 mak hetan estraga no ema mate Ida iha munisipiu Bobonaro mota lori ema ida, covalima anin sobu uma ida, RAEOA ahi Han Uma ida, Manufahi anin sobu uma rua, asaun husi APC iha munisipio haat ne’ebé mak mensiona, afetadu sira hetan ona apoiu ho emerjensia ba familia vitima”, dehan adjuntu komandante Aero APC Mariano A. Lopes ba jornalista liu husi konferensia imprensa iha salaun APC Caicoli, segunda (16/01/2023).
Adjuntu Informa, aviza nafatin ba komunidade sira liuliu iha area risku sira atu mantein nafatin akompanha no rona informasaun husi diresaun nasional meteorolojia Timor nian, hadook an nafatin husi area risku sira, halo viajen karik la’o ho diak, evita hemu lanu, labele lori kareta ou motor velosidade as bele afeita ba asidente,
Nia konsidera, semana ne’e situsaun normal no moderadu la hanesan ho semana kotuk akontese dezastre anin, udan no rai halai, entretantu, sentru APC sempre rejistu kualkuer dezastre ne’ebé akontesemetu iha territoriu nasional ho tipu barak barak mak hanesan anin boot, rai halai, udan boot no inundasaun, APC funsiona oras 24 nia laran atu hodi rejistu kulkuer akontesementu iha Timor laran tomak
Nia hatutan, knaar APC nian, hato’o nafatin informasaun ba komunidade sira katak dezastre nee tantu natureza no ema nia hahalok ne’e dever APC nian atu halo avizu ba komunidade sira liuliu Sira ne’ebé hela iha risku sira no hatoman an halo prevensaun no preparasaun atu nune’e labele iha konsekuensia ne’ebe boot.
Enkuantu, aleinde munisipiu haat iha munisipiu sanulu sei iha hela faze identifikasaun no prosesa dadus sira hodi hetan apoia fazeadamente.
Jornalista : Antonio Tilman