Atu Alkansa Desenvolvimentu Sustentavel, INDDICA No UNICEF Husu Esforsu Hamutuk
SAPNewsTL, 10/06/2022 : Instituto Para a Defesa dos Direitu das Crianças (INDDICA) ho UNICEF Halo analize kona ba situasaun labarik hodi promove Direitu Labarik iha Timor-Leste, Dinorah Granadeiro hateten atu alkansa objetivu dezenvolvimentu sustentavel 2030 presiza halo esforsu konjunta ida mais efetivu
Tuir Dinorah Granadeiro hateten atu alkansa objetivu dezenvolvimentu sustentavel hirak ne’ebe hanesan artikula iha agenda ba dezenvolvimentu sustentavel 2030, Governu Timor-Leste no UNICEF fornese analiza kona ba situasaun labarik no adolesente iha Timor-Leste.
“Ami fiar katak Relatoriu ida ne’e sei kontribui signifikativu ba konesimentu tomak kona ba Timor Leste Nia labarik Feto no labarik Mane adolexente sira, sei suporta governu no nia parseiru sira atu halo fali komprimisiu politika no asaun ba realizasaun labarik sira nia direituʺ. Hateten Komisaria Direitu Labarik Dinorah Granadeiro ba Jornalista sira iha Salaun City 8, Sesta-feira(10/06)
Nia hatutan, Sira presiza hala’o barak liu tan atu prevene husik labarik vulneravel Sira iha kotuk ho labarik idade tinan 0-17 ne’ebe hala’o porsentu 43 husi populasaun iha 2021, relatoriu ida ne’e tau atensaun espesial ba area rua.
Enkuantu, Analiza situasaun Ida ne’e dezenvolve liuhusi kolaborasaun ho Ministériu Finansas -Diresaun Jeral Estatístika nian no komisaun Direitu Labarik nian, portantu Embosu analize situasaun influensia dezenvolvimentu husi kuadru koperasaun dezenvolvimentu sustentavel husi nasões unidas 2021-2025 no programa husi UNICEF 2021-2025. Nia fundamenta
Jornalista: Vitoriana Brites