Joven Semo Ba Dook, PM Taur : Joven Mak Heroi Ba Desenvolvimentu TL
SAPNewsTL, 09 Junho 2022 : Primeiru Ministru José Maria de Vasconselhos Taur Matan Ruak konsidera Joven sira ne’ebé mak ba servisu iha rai liur ne’e mak ita nia Heroi, tanba sira fo kontribuisaun ba ita nia nasaun hodi hala’o dezenvolvementu ba iha ita nia Nasaun.
Primeiru Ministru José Maria de Vasconselhos Taur Matan Ruak saran lia hirak ne’e, hafoin halo enkontru semanal ho Presidente Republika José Manuel Ramos Horta iha Palacio Prezidensial Neculau Lobato Aitarak-Laran quinta-feira horseik
ʺJoven sira ne’ebé mak ba servisu iha rai liur ne’e mak ita nia Heroi tanba sira fo kontribuisaun ba ita nia nasaun, Aktividade governu hanesan bolsa da mãe ne’ebé tempu oin sei lansa, aktividade ne’ebé Konsellu Ministru Simu apresentasaun aktividade husi Vice Primeira Ministra Solidariedade Sosial no reuniaun ne’ebé aban ho parseiru dezenvolvimentu sira hodi prepara an, prepara ba Orsamentu Geral de Estadu 2023״. Tenik Primeiru Ministru Taur Matan Ruak Iha Palasiu Presidente Aitarak-Laran, Kinta-Feira, dia 09/06/2022.
Nia hatutan, nasaun sei ba oin, hotu-hotu sei esforsu hamutuk, hodi asegura estabilidade Politika no Governativa iha Timor-Leste, Ita hotu haree katak iha esperiénsia rasik iha tinan 2017 to’o 2020 ne’e la ajuda pelo kontrariu lori nasaun ba fali kotuk .
“Ha’u hanoin esperiensia ita nia an rasik no ami kontenti los ho esforsu Presidente Republika Timor-Leste, kontenti no nasaun tomak apresia ho Presidente Republika, Presidenti Republika repete bebeik katak kontinua halo esforsu hodi fasilita aktividade governu nian ida ne’e ami agradese boot”,Nia subliña
Enkuantu, Governante ne’e mós apresia tebes ba joven sira nia sakrifisiu no dedikasaun, joven sira ne’ebé halo esforsu ba iha rai liur hodi kontribui ba dezenvolvimentu iha nasaun ne’e, hanesan ema hotu hatene Rai Doben ne’e sei joven ho tinan 20 lá iha kapasidade atu bele kria empregu ba joven sira hotu, Nia informa
ʺGovernu buka dalan ida mak atu hetan empregu ba iha Rai liur ho parseiru governu nian ita haree Korea, Australia no nasaun seluk buka explora oportunidade seluk hanesan Inglatera no Fatin seluk tan, Tanba ne’e governu apresia ida ne’e no halo esforsu hodi fo fatin servisu ba ita nia joven sira״. Dehan PM Taur ba Jornalista sira
Nia saliente tan, realmente ne’e laos fasil husik hela Nia fatin Moris, Nia familia sira no ba servisu iha ema nia rain, Sira Heroi tanba sira fo kontribuisaun ba nasaun, ema hotu-hotu hatene katak komunidade Timor oan iha Rai-liur fo apoiu 121 milhões Dolar Amerikanu hodi ajuda kresimentu ekonomia no mos kombate kiak no mukit iha Rai laran, Nia hakotu.
Jornalista : Afiana de Araujo Ximenes
Editor : Sergio Delekuar