Audiênsia Entre KI & SEKOMS, Hakarak Aselera Substituisaun Membru KI Foun
SAPNewsTL, Dili: Hafoin Konselhu Imprensa (KI) hasoru malu ho Sekretaria Estadu Komunikasaun Social (SEKOMS) iha Palasiu Guvernu. SEKOMS Espedito Dias Ximenes haktuir primeiru atu fo hanoin katak konselho imprensa presiza ona membru foun atu bele troka fali nia fatin
“Ohin Konsellu Imprensa mai hasoru Ha’u, Primeiru fo hanoin kona ba KI presiza oba Membru foun hodi troka Ha’u nia Fatin, Konselhu de Imprensa tanba iha nia estatutu atu bele hola desizaun balu presiza plenaria ne’ebe leno katak tenki ema nain lima( 5) ka membru nain lima( 5), agora membru hela nain ha’at(4)”. Tenik SEKOMS Espedito Dias Ximenes ba Jornalista Sira Hafoin sorumutu ho Membru Konsellu Imprensa iha Palasiu Guvernu, 01/08/2023
Governante ne’e hatutan, substitusaun ida ne’e tenki aselera tanba ne’e mak konselhu imprensa hasoru malu tiha ona ho Prezidente Parlamentu, SEKOMS mos sei hasoru Presidente Parlamentu Nacional bele esplika tenki substituisaun konselhu imprensa ne’e tenki lalais
Espedito rekunhese presiza reve artigu balun iha Lei Komunikasaun Social tanba seidauk iha artigu balun ne’ebé define hodi Konsellu Imprensa superviziona média ka plataforma online Sira
“Presiza reve fila fali artigu balun iha lei komunikasaun sosial ne’ebe fo mos impaktu ba atividade supervizaun husi Konselhu Imprensa tanba ne’e maka iha enkontru ohin produtivu tebes tanba Konselhu Imprensa mai ho honestu hato’o Sira nia difikuldades ne’ebe durante ne’e atravesa, Nonu Governu sei reforsa Konselhu Imprensa”. Nia afirma
“Iha lei komonikasaun social la regula kona ba oinsa konselho imprensa bele superviziona plataforma online sira tanba iha lei komunikasaun social la esplika kona ba oin sa konselho imprensa bele tau matan ba plataforma online, Lei ne’e halo kleur ona tanba ne’e presiza atu hare fila fali atrtigu balu se laiha karik atu bele aumenta”.
Iha ona programa nonu governu nian liu liu setor komonikasaun socilal oinsa mak atu hare Lejislasaun Sira ne’ebe kona ba audiovizual, hein katak iha tinan lima( 5) nia laran ne’e buat ne’ebe sai hanesan difikuldade liliu ba komonikasaun social nian bele rezolve.
SEKOMS hatutan, “Konselhu imprensa hanesan Media RTTL’EP no Tatoli’IP, oinsa Ita bele hadia karik buat balu seidauk diak, ita bele hadia tanba nonu guvernu mai ho nia filozofia ho nia konviksaun katak presiza halo buat foun ou presiza atu halo, Nune’e bele fo kbiit ba Orgaun Komunikasaun Sosial sira iha forsa hodi Hala’o knaar ho diak”Dehan SEKOMS
Nia afirma, La signifika katak governu atu interven ba produtu jornalistiku lae, mais aban bairua governu fo apoiu ba orgaun komunikasaun social liliu ba Sira ne’ebe media konvinsionais privadu sira ho Plataforma online Sira ne’e la signifika katak governu sei interven liberdade imprensa, liberdade expresaun nafatin la’o iha Ita nia artigu 40 konstituisaun da Republika
Iha fatin hanesan, Konselleiru Konsellu Imprensa Francisco Belo Simões da Costa hateten ohin realiza enkontru ho sekretaria estadu hodi Ko’alia kona-ba Membru KI ne’ebe hela na’in implika ezekusaun Orsamentu
“Ami partilha ida maka kona-ba konselhu impresa hanesan orgaun kolejial desizaun iha plenaria Membru nain lima, Membru ida SEKOMS, tanba hela membru nain entaun la konsege hola desizaun ruma ne’ebé implika ezekusaun Orsamentu iha tinan 2023 no Planu orsamentu ba tinan 2024, Relasiona ho ida ne’e tenki iha desizaun plenária ne’ebe Kompostu husi ema na’in lima, na’in haat deit labele”. Hatete Membru KI Francisco Belo Simões da Costa
Francisco realsa, Liberdade expresaun no imprensa ne’e be iha hatudu matak Timor Leste tama iha renking sanulu iha Mundo no iha Asia númeru 1, Wainhira iha Produtu Jornalistika sira afeita ba protestu no identidade ba Membru Guvernu entaun, oinsa atu sosializa ba membru Governu Sira utiliza direitu no resposta retefikasaun.
Reportazen : Zenoveva Lopes & Celeste Gonsalves