Audiénsia Ho PM Xanana ! Telkomcel Sai Parseiru Estratéjiku Ba Dezenvolvimentu Nasionál
Imajem : Diretor Ezekutivu Telkomcel Benedictus Adriyanto hamutuk ho Embaixadór Indonézia, Okto Dorinus Manik ho PM Xanana Gusmão iha Dili, 13/02/2025. Foto : Media PM
SAPNewsTL, Dili : Diretór Ezekutivu Telkomcel iha Timor-Leste (TL), Benedictus Adriyanto hamutuk ho Embaixadór Indonézia, Okto Dorinus Manik halo audiénsia ho Primeiru-Ministru (PM) Kay Rala Xanana Gusmão hodi partisipa iha Simeira Internasionál kona-bá teknolojia, klutura no turizmu.
Tuir informasaun ne’ebé SAPNews asesu liu hosi Pajina Primeiru-Ministru katak PM Xanana Gusmão disponivel halo abertura bá Simeira ne’ebé sei realiza iha loron 27 Fevereiru 2025 hodi selebra ezisténsia bá dala-12 iha TL.
Durante tinan 12, Operador Telekomunikasaun Telkomsel hala’o operasaun no servi ho domin, Telkomcel sai nu’udár parseiru ida iha prosesu transformasaun dijitál Timor-Leste nian.
“Obrigadu ba fiar ne’ebé hato’o hosi povu no governu Timor-Leste durante tinan 12, ami sente orgullu bele hola parte nu’udar parseiru estratéjiku hodi partisipa iha dezenvolvimentu nasionál”. Tenik Diretor Ezekutivu Telkomsel Benedictus Ardiyanto Priyo iha Palasiu Governu, 13/02/2025
Telkomcel kontinua halo investimentu adisionál ne’ebé konsiderável, espesiálmente durante tinan tolu ikus halo modernizasaun bá infraestrutura telekomunikasaun no dijitalizasaun.
Telkomcel la’ós de’it mellora kualidade servisu, maibé mós torna fundasaun forte atu realiza vizaun Governu Timor-Leste bá dezenvolvimentu ekonomia dijitál neʼebé kompetitivu no hatudu seriedade Telekomunikasaun Indonesia International S.A iha prosesu dezenvolvimentu.
Telkomcel fiar katak, futuru Timor-Leste iha Timoroan sira-nia liman, Tanba ne’e 95% funsionáriu Telkomcel mai hosi jerasaun joven Timor-Leste ho maioria iha idade 20-35. Pozisaun jestór nian mós okupa 75% hosi talenta di’ak sira. Ho orgullu liu-tán, liuhosi 50% sira nu’udár feto, refleta kompromisu Telkomcel bá igualdade jéneru no empoderamentu feto.
Telkomcel mós fó atensaun bá dezenvolvimentu talenta lokál hodi fó bolsa estudu no programa dezenvolvimentu lideransa bá funsionáriu sira atu kontinua edukasaun sira bá nível lisensiatura no mestradu.
Husi kolaborasaun ho Telkom University (Tel-U) Estudante selesianadu iha Timor-Leste mós iha oportunidade atu estuda iha rai-li’ur ho aprendizazen padraun internasionál.
Totál empregadu na’in-6 Telkomcel nian ne’ebé predikadu nu’udár “Best Employee” hosi Telin HQ Jakarta no bá estuda iha universidade 7 di’ak liu iha mundu, hanesan Harvard, Stanford, Wharton & MIT.
Habelar Impaktu Sosiál no halo ambiente servisu neʼebé Inkluzivu. Telkomcel la konsentra de’it iha dezenvolvimentu profesionál, maibé fó mós atensaun bá bem-estar funsionáriu sira.
Empreza telekomunikasaun, Telkomcel kontinua konvida atu bele fó impaktu sosiál bá komunidade, Impaktu sosiál aumenta hanesan referénsia iha atividade interna no esterna.
Programa viajen servisu espirituál no inisiativa atu halo Uma Domin – Go Shine mak evidénsia klara bá kompromisu Telkomcel.
Ho espirito ‘Família Unidade, Telkomcel komprometida atu kria ambiente traballu inkluzivu, armóniu no suportivu.
Telkomcel sei selebra ninia aniversáriu ezisténsia iha Timor-Leste ba dala XII iha loron 27 fulan Fevereiru 2025, PM Xanana Gusmão disponivel sei partisipa iha eventu importante ida ne’e.
Jornalista : Marciana da Conceição
