Ba Interese Nasionál P-CNRT Prontu Servisu, Kalbuady: Ita Servisu, Ita Manan
SAPNewsTL, Dili: Partidu Congresu Nasional Rekonstrusaun Timor-Leste (CNRT) realiza abertura ba konsolidasaun partidu nian hodi prepara ba Eleisaun Parlamentar 2023-2028 no hametin abut partidu CNRT iha baze ho tema ʺFiar an lao ba oin״.
“Ohin ami abertura konsolidasaun ida ne’e hodi prepara ba eleisaun parlamentar nian, nune’e ba oin haree de’it mak servisu ba konsolida hahu husi Capital Dili no iha baze to’o iha Munisipiu sanulu resin-rua inklui Rejiaun Oe-cusse Ambenu (RAEOA).” Tenik Secretario Jeral Partidu CNRT, Francisco kalbuady Lay informa liu husi nia diskursu iha salaun Catedral, Villa-Verde sabadu (18/06).
Sekretariu Jeral ne’e akresenta partidu CNRT prontu atu servisu iha kualker saida de’it no interese nasional ho partidu ki’ik sira hotu, maibe mai ho ida-idak nia servisu.
“Ita agora prepara an hodi halo konsolida to’o iha baze ba ita hotu hodi bele servisu diak liu tan hodi prepara ba eleisaun parlamentar periodu 2023-2028, tanba ne’e ita hotu tenke apresia, fo valor no servisu makas mak foin ita manan” Nia hateten.
Iha sorin seluk kordenador Munisipiu Dili Luis Ximenes hateten estrutura partidu CNRT tomak ne’ebe mak ohin partisipa iha konsolidasaun ida ne’e no husu ba kordenador sira hodi servisu makaas
ʺIta boot sira ho ninia estrutura tomak husi munisipiu sira hotu-hotu, kontinua konsolidasaun fali iha nia suku no aldeia sira hotu, hodi nune’e bele hametin abut ba partidu CNRT iha baze״. tenik nia
Alende ne’e, nia mos agradese ba kordenador sira ho nia estrutura tomak husi munisipiu Sanulu-resin-rua inklui RAEOA ne’ebe mak ohin esforsu hodi mai partisipa iha abertura ohin loron nian.
ʺPartidu ne’e ki’ik foin mak tinan sanulu resin-lima labele halo a’an, labele hasa’e hirus matan ba ema, mesmu fo ho votus bo’ot, maibe nia estrutura tomak bele fo solido, maibe husi ohin ba oin ne’e hotu-hotu tun ba baze hodi halo konsolidasaun ida ne’e״. Nia hakotu
Jornalista: Aquelina da Conseição Magalhaês.
Editora : Maria de Jesus