CEO Telekomcel Afirma Dizitaliza Nasaun & Oferese Internet Kualidade
SAPNewsTL, Dili : Iha ámbitu selebrasaun aniversáriu Telekomcel ba dala 11⁰, CEO Telkomcel Benedictus Ardiyanto Priyo afirma Telekomsel sei promove tais Timor ba mundu no dezenvolve no oferese rede internet ne’ebe kualidade ho tarifa kompetitivu
“Telkomcel nu’udar parte Telin komitmentu atu oferese servisu seluler no servisu internet broadband ho kualidade iha Timor-Leste ho tarifa nebe kompetitivo/acessibel. Aleinde ida ne’e, Telkomcel mos fo servisu especial no solusaun komersial ba kliente iha segment korporativa Timor-Leste, liu husi Voice & Data.” Tenik CEO Telkomcel Benedictus Ardiyanto Priyo, iha Salaun Muntiousu GMN Bebora Dili, 30/12/2023
CEO Telekomsel ne’e hatutan TAIS 2023 mos oferese premiu ba ema sira ne’ebe inspirativu, nune’e sei fo ba membru balun husi Fundasaun Ahisaun ne’ebe mak selesiona liu husi prosesu rekrutamentu no sai ona parte husi familia boot Telkomcel.
TAIS-Telkomcel Annual International Summit hanesan arte timoroan ne’ebe mak fo esperiensia iha nivel international ne’ebe iha relasaun Beleza kultura Timor-Leste tan ne’e sei promove ba mundu.
“Telkomcel komitmentu nafatin promove TAIS iha mundo global no fo apresiasaun ba feto heroi tomak ne’ebe mak kria ona hena tradisional ne’ebe mak furak tebes.” Nia afirma
Komitementu Telkomcel hodi apoiu Ministeriu Transportasaun Komunikasaun liu husi programa Guvernu – IX Konstitusional pontu 3.7 kona ba Telekomunikasaun.
“Guvernu sei esforsu hodi aselera servisu rede telekomunikasaun ho modernu ne’ebe mak halo konektividade iha komunidade Timor-Leste entre Timor-Leste no Mundo, aproveita masimu ho progresso telekomunikasaun mundial, inklui produsaun, espalha no utiliza konesementu. Mai ita hotu kontribui ba kresimentu ekonomia dizital nasaun liu husi tipu solusaun hodi responde kada problema ou dezafio tamba sempre iha solusaun”.nia sublinha
Sermonia ne’e partisipa husi Primeiru Ministru Timor-Leste, Kayrala Xanana Gusmão, National Technology Officer Microsoft Indonesia, Mr. Panji Wasaman, dan Chief Executive Officer PT. Telekomunikasi Indonesia Intenrational (TELIN) no Moderador husi Mayfree Syari, presenter CNN Indonesia ho lema “Dijitalizasaun Nasaun hodi Aselera Rendimentu Ekonomia Digital Timor-Leste”.
Iha serimonia ne’e mos hala’o tuir diskusaun inspirativu hodi responde ba oportunidade sira no dezafiu ne’ebe mak iha hodi transmite varios idea sira ne’ebe konstrutivu hodi fo ispiritu kolaborasaun hodi aselera dijitalizasaun ekonomia no fo inovasaun hodi halo dezenvolvimentu nasaun Timor-Leste espesial iha area teknolozia informasi, seitor infrastrutura telekomunikasaun no dijitalizasaun hodi apoiu Pembangunan.
Jornalista : Genoveva Sarmento