CNJTL Konsidera Parlamentu Foinsa’e Hatudu Diferensa

SAPNewsTL, Dili : Durante Partisipa iha lansamentu ba selesaun no eleisaun ba Membru Parlamentu Foinsa’e ba periodu 2024-2026, Presidente Consellu Nasionál Juventude Timor Leste (CNJTL sigla Portugés) Maria Dadí Soares Magno hateten Parlamentu Foinsa’e sempre hatudu diferensa iha vizaun, pensamentu no atetude

Presidente CNJTL Maria Dadí Soares Magno haktuir Parlamentu Foinsa’e ne’e obra estadu nian ne’ebe estadu hahoris hodi forma no prepara foinsa’e sira hodi sai futuru lideransa no servi estadu Timor-Leste

“Obra ida ne’e, obra estadu nian, Parlamentu Foinsa’e nian politamente estadu mak hahoris,iha fatin oraganizasaun lubuk ida mak kontinua mos fó susuben atu akompaña no agora kontinua eziste, maibe espasu ida ne’e espasu demokratizasaun, parlamentu foinsa’e nian nomos alumi parlamentu foinsa’e, joven nebe mak servi”. Tenik Presidente CNJTL Maria Dadí Soares Magno liu husi nia diskursu iha Salaun UCT, Balide Dili, 13/0/2023

Parlamentu Foinsa’e Nian (PFN) no Alumni Parlamentu Foinsa’e Timor Leste (APFTL) sempre hatudu diferensa iha sosiedade no nasaun, sira sempre difernsa iha pensamentu, vizaun, atetude no hahhalok servi nian

“Parlamentu Foinsa’e no APFTL indika ba ita, hatudu diferensa, diferente saida ? diferente iha pensamentu, diferente iha imi nia vizaun, diferente iha atitude. diferente iha imi nia linguagem, hahalok, Diferente tanba imi nia fatin ka espasu ne’ebe ita horik ne’e espasu aprende polítika, ekonomia, lideransa no kultura hodi atualiza prosesu konstrusaun estadu”. Maria Dadí Soares Magno hatete

Maria Dadí Soares Magno akresenta, mesmu durasaun ne’e tinan rua, depois de imi aproveita atu aprende asuntu balun ekonomia, kultura, lideransa, politika, imi iha papel katak kontribui no kontinua atualiza iha prosesu konstrusaun estadu, Parlamentu Foinsa’e tenki kuda nafatin sentidu patriotizmu no nasionalizmu hodi hadomi no servi nasaun ne’e hamutuk ba oin

“Keta haluha kuda nafatin sentidu patriotismu no nasionalismu, hadomi timor no kontinua atu prense katak ha’u ne’e importante iha familia, sociedade, importante ba uma kreda liliu Timor presiza ha’u, ha’u importante ba estadu”. Maria Dadí Soares Magno husu

Iha fatin hanesan, Ministériu Juventude Desportu Arte no Kultura (NJDAK), Nélyo Isaac Sarmento hamutuk ho Alumi Parlamentu Foinsa’e Timor-Leste (APFTL) ofisial lansa ona ba públíku selasaun no eleisaun Parlamentu Foinsa’e Nian (PFN) ba periodu 2024-2026

Ministru Juventude Desportu Arte no Kultura (MJDAK) Nélyo Isaac Sarmento hateten aprende iha Parlamentu Foinsa’e lalos sai ativista maibe sai sidadaun ne’ebé krítiku no responsabilidade

“Aprende iha Parlamentu foinsa’e la’os sai ativista maibe sai sidadaun krítiku no responsabilidade, ha’u husu imi sira ne’ebé hola parte iha prosesu selesaun tenki hateke ba dook, hateke ba tinan 10-20 mai”. dehan MJDAK Nélyo Isaac Sarmento

Nélyo Isaac Sarmento husu APFTL tenki fó hanoin beibeik ba foinsa’e sira hodi partisipa, aproveita tempu feriadu ne’e hodi fó formasaun ba Membru Parlamentu Foinsa’e ne’ebé sei mai forma sidadaun ne’ebé síviku no hanoin oinsa lori nasaun ne’e ba oin, APFTL tenki sai ezemplu diak ba foinsa’e sira ba futuru

Iha fatin hanesan, Presidente APFTL Zaulino Gomes da Silva haktuir, Alumi Parlamentu Foinsa’e Timor-leste (APFTL) mai husi programa Parlamentu Foinsa’e, benifisiáriu husi Parlamentu Foinsa’e prontu toma responsabilidade no fo kontinuidade hodi lori Nasaun ne’e ba oin

“APFTL mai husi benefisiáriu programa Parlamentu Foinsa’e, tan ne’e prontu hodi toma responsabilidade no fo kontinuidade hodi lori nasaun ne’e ba oin”. Zaulino Gomes da Silva hateten

Lideransa APFTL ne’e mos husu governu hodi halo investimentu ba foinsa’e sira hodi prepara sira ba futuru, nune’e bele garante lider foinsa’e diak no kualidade hodi servi povu no nasaun ba futuru

Tuir orariu ekipa selesaun ne’ebé destake iha kada Postu Administrativu sira iha teritóriu nasionál sei hahu halo desiminasaun informasaun iha loron 23-27 fulan Outubru, tuir mai, Selasaun no Elisaun sei hala’o iha loron 15 Fulan Novembru no tomada de posse ba Membru Parlamentu Foinsa’e eleitu sei realiza iha 12 de Dezembru tinan ne’e

Jornalista: Zenoveva Lopes Sarmento