CPNTL Realiza Asembleia Anual ! Nelyo Isaac : Korije Malu La’os Hatun Malu
SAPNewsTL, Dili : Ministériu Juventude Desportu Arte Kultura (sigla portuges MJDAC) partisipa Komite Paralimpiku Timor-Leste (sigla portuges CPNTL) hamutuk m ho nia membru sira husi federasaun desportiva 10 realiza asembleia anual ko’alia relatoriu finanseiru ba atividade 2023 no planu 2024.
“Objetivu prinsipal asembleia anual ida ne’e ami alerta servisu CPNTL durante 2023 nian ba federasaun 10 tutela iha CPNTL, nune’e federasaun sira hatene servisu CPNTL halo ona no seidauk halo atu ba futuru halo diak liu tan”, dehan Prezidente interinu Mateus Lucas ba jornalista sira iha salaun otel Vila Verde, Dili sesta (22/12/2023).
Mateus hatutan, planu 2024, Federasaun sei submete prosposta ba MJDAC atu sira bele tau orsamentu ba atividade CPNTL hamutuk ho federasaun sira iha 2024, planu atu hadia iha 2024 mak sistema tekniku ho administrasaun tanba durante atividade CPNTL sira halo hotu maibe sira hetan difikuldade iha tekniku.
Iha fatin hanesan, prezidente federasaun para Badminton Timor-Leste Joanjinho Ferreira husu, ba CPNTL tenki servisu hamutuk ho MJDAC atu nune’e parte governu tau orsamentu adekuadu.
“Ami rekomenda ba CPNTL tenki servisu hamutuk ho MJDAC, nune’e parte governu tau orsamentu adekuadu para CPNTL ho membru jere ho diak no ami hakarak CPNTL iha edifisiu rasik atu labele difikulta servisu CPNTL nian”, Tenik Joanjinho.
Iha sorin seluk, ministru juventude desportu arte kultura Nelyo Isaac Sarmento informa, asembleia anual ne’e CPNTL atu halo identifikasaun ba problema sira ne’ebe iha no presta akontabilidade transparansia ba membru sira.
“Asembleia anual ne’e CPNTL atu halo identifikasaun ba problema sira ne’ebe iha atividade no presta akontabilidade transparansia ba membru sira, nune’e relata deit sussesu ita halo ona no asembleia anual ne’e atu koriji malu laos hatun malu ba atividade ne’ebe hala’o tiha ona para hadia iha tinan tuir mai no relata relatoriu orsamentu ba apoiante sira para sira hatene durante ne’e CPNTL ho nia membru halo atividade mak ne’e”, Nelyo hateten
Ministru afirma tan, kualker organizasaun ida atu mellora diak liu tan mak realiza kongresu anual tanba ne’e fator ida importante atu halo esplikasaun ba malu no halo mudansa ba programa balun seidauk halo diak iha organizasaun ne’e rasik.
Portantu, Orsamentu apoiu husi Governu ba programa ho atividade CPNTL nian tinan 2023 ho montante 407,042.10 USD, atende dezenvolvimentu kapasidade CPNTL ka fundu operasional 64,002.50, ba preparasaun atleta ba Sea Para Games Cambodia ho montante 40,000 USD, preparasaun atleta Asian Para Games China ho montante 59,435 USD no partisipasaun Sea Para Games Cambodia ho montante 94,422.60 USD no partisipasaun Asian Para Games China ho montante 149.182.00 USD.
Entretantu, membru federasaun desportiva 10 tutela iha CPNTL partisipa iha asembleia anual ne’e maka federasaun para badminton, para atletizmu, para natasaun, para powerlifting, para tenis kampu, para basket kareta roda, para futsal, para tenis meza, para volley seating no para xadres.
Reportajen: Augusto dos Santos