Cuba No TL Sei Selebra Tinan 20 Koperasaun Ho Atividade Festival Desportiva
SAPNewsTL, Dili : Sekretaria Estadu Juventude no Desportu (SEJD), Embaixada Cuba, Nasões Unidas, Universidade Nasionál Timor-Lorosa’e (UNTL) ho parseria sira sei selebra tinan 20 kooperasaun Cuba ho Timor-Leste, Apoiu Nasões Unidas iha Timor-Leste, Reabertura Zona Livre Veíkulu, no Festival Desportu Kaiman-Kaiman ba daruak
Tuir Enkarregadu Negosiu da Embaixador Cuba-TL Sr. José Ernesto Dias Pérez hateten durante tinan ruanulu (20) kooperasaun Timor-Leste ho Cuba atinji ona susesu barak. selebra tinan ruanulu kooperasaun Estadu Cuba no Timor-Leste, inklui apoia husi nasões unidas ba Timor-Leste
Realizasaun atividade festival ne’e hanesan feira popular ba komunidade Timor-Leste no envolve Koordenador husi Nasões Unidas ne’ebe sai protagonista ba evento hirak ne’e.
“Kompromisiu ba desenvolvimento husi Timor-Leste iha áreas save sira hanesan saúde , edukasaun no desportu, Cuba mos kontribui ho humildade ba desenvolvimento áreas sira ne’e. Secretaria Estado Juventude no Desporto ( SEJD ) mak pontu fokal e promotor ba prátika atividade fisika hanesan kopa trosinador no esponsor ba contrapartida husi Governo República Democrática Timor – Leste . Eventu ida ne’e mos atu reativa fali atividade CAR FREE ZONE ne’ebe realiza antes Covid-19” Dehan Encarregado Negocio da Embaixador Cuba Iha TL Sr. José Ernesto Dias Pérez ba Jornalista iha Salaun SEJD, Kinta-Feira (14/07/2022).
Nia Esklarese, Promove desportu no atividade fisika hanesan dalan ba moris saudável no halo saúde sai diak liu iha momentu Pós-Covid19 .
“Apoiar Governo Timor-Leste iha esforsu ba atinji objetivu sira husi Desenvolvimentu Sustentável no mos metas ne’ebe iha agenda 2030 husi Nasaun Unidas, promove estilos moris saudável no ambiente ba populasaun hotu-hotu, la excluzaun ba generu , idade , rasa , defisiénsia ou orientasaun sexual “. Tenik Nia.
Nia akresenta ema hotu bele manan ho evento ida ne’ebe iha visibilidade no partisipasaun husi populasun hotu-hotu , halo ho diversidade no promove inkluzaun, estimula partisipasaun husi parte hotu-hotu nian
“Solidariedade ho komunidade sira, populasaun hotu – hotu ne’ebe partisipa sei hetan animasaun no Divertimentu durante II Festival Desporto, Kaiman-Kaiman nian no reativa fali atividade CAR FREE ZONE”. Nia Hateten
Iha fatin hanesan UN Cordinator Roy Trivedi Hatutan, atu selebra tinan ruanulu, tinan ruanulu liu ba, iha Kuala Lumpur Presidente atual Dr. Jose Ramos Horta ho Maun Boot Kayrala Xanana Gusmão hasoru malu ho Komandante Fidel Alejandro Castro Ruz atu produz graduadu rihun ida (1.000) ba Timor-Leste.
“Durante konversasaun ne’e rekomenda ba Fidel Castro atu guvernu Cuba produz graduadu jovens rihun ida (1.000), ohin mehi ne’e sai realidade, 20 anos de parseria dentru Cuba ho Timor-Leste, iha setor saúde, setor formasaun no desportu hodi hadia estilus moris komunidade nian”. Dehan
Nia akresenta, eventu ne’ebe sei realiza iha sabadu proxima, atu selebra parseria entre Cuba no Timor-Leste,haree System Divelopment Gols, no Sustenable Development (desenvolvimentu sustentavel) iha Timor-Leste.
Entretantu, nia sente kontenti tebes atu suporta iniciativu ne’e, sira prontu ajuda iha kualker maneira no iha eventu ne’e”. Nia Hakotu.
Enkuantu, atividade sira mak hanesan Halai Maratona Kilómetru rua (2 KM, hahú husi Embaixada Cuba no Remata iha Resintu SEJD), halai Bisikleta ho kilometru sanulu resin-rua (12 KM, hahú iha Embaixada Cuba ba Ponte CPLP no Remata iha Resintu SEJD), Jogu Voleibol, Futsal, Halimar Sadres inklui animasaun sira, atividade refere sei realiza iha sábadu, 16 Jullu 2022, hahú registu iha tuku 06:30 no hahu iha tuku 7:30-05:00 loraik iha Embaixada Cuba iha Timor-Leste.
Jornalista : Marcela Mesquita De Jesus Lemos
Editor : Maria de Jesus R. Daci-mau