PN Fó Votu Pesar Ba Eis PM Japaun no Eis PR Angola
SAPNewsTL, Dili: Parlamentu Nasionál fó votu pesar ba Matebian Eis Primeiru Ministru Japão Shinzo Abe no Matebian Prezidente Repúblika Angola José Eduardo dos Santos Iha Uma Fukun Parlamentu Nasionál.
Deputadu David Dias Mandati hateten, povu Angolanu merese duni Povu Timor-Leste nia solidariedade ba sira, tanba wainhira Povu Timor iha tanis, susar no mate nia laran, luta ba libertasaun nasionál sira hamutuk no sente problema ne’ebe povu Timor hasoru
“Iha duni razaun para fó ita-nia solidariedade ida ne’e tanba ita hotu hatene katak iha ospitál, iha prizaun se mak ita-nia maluk, kuandu ita di’ak ona ema barak amigu ona ne’e la’ós ona amigu maibé amizade konvinénsia mais kuandu ita iha terus no susar nia-laran ema fó liman ida mai ita ida ne’e mak ita dehan amizade konviksaun”. Tenik Deputadu David Dias Mandati Iha Uma Fukun PN, Dili, 12/07/2022
Entretantu, Deputadu David Dias Mandati konsidera Povu Angolanu hanesan (teman keyakinan) ne’e mak tenke aprezenta ita-nia solidariedade liu husi ita-nia votu ba kondolénsia ida ne’e ba sira.
Iha fatin hanesan, Membru Parlamentu Nasionál José Agostinho Sequeira Somotxo mós fo sentidu kondolénsia ba eis Primeiru Ministru Japaun Matebean Shinzo Abe ne’ebe mate, wainhira hetan tiru iha Sidade Nara, Japaun Oeste, loron 08/07/2022, Wainhira nia halo komisiu politiku iha Sidade ne’eba.
“Iha tinan 1996, ami simu dokumentu ida solidariedade husi Japaun Dieta, maibe ha’u mos la hatene momentu ne’e Saudozu Conis simu surat ida husi solidariedade, dokumentus barak husi solidariedade Japoneza Dieta, maibé envolvimentu ne’e sese ita la hatene i foin dadauk, Ha’u hanoin Dieta simu ona kondekorasaun ne’ebé konserteza tenke tau iha votu pezar ne’e servisu sira ne’ebé saudozu ne’e halo”. Dehan Deputadu José Agostinho Sequeira Somotxo
Enkuantu, Parlamentu Nasionál fó votu pesar ba númeru 15, afavór 59 kontra 0 no abstensaun 0, nune’e votu pesar ba matebian Eis Primeiru Ministru Shinzo Abe aprovadu, votu pesar ba númeru 16, afavór 59 kontra 0 no abstensaun 0, votu pesar ba númeru 16, matebian Eis Prezidente Repúblika Angola José Eduardo dos Santos aprovadu.
Jornalista : Eduardo Moniz
Editor : Esmeralda da Silva