Dader Ba Bazar ! JG Hetan Oho Iha Merkadu Atsabe
SAPNewsTL, Ermera – Ohin dader maiz ou menuz haleu tuku 9 mosu insidente ida rezulta sidadaun ida hetan oho iha Postu Administrativu Atsabe Munisipiu Ermera.
Insidente (ema oho malu) ne’e akontese iha merkadu Atsabe Vila Maiz ou menuz tuku 09 dader, insidente ne’e rezulta sidadaun JG mate fatin tanba hetan pankada makas iha hirus matan, kotuk, kabas no hetan sona ho kuak 6 husi autor kometidu.
Tuir observasaun Jornalista SAPNewsTL, nota katak mate isin ho naran JG no autor ne’e ho naran inisial MS ne’e husi Suku Baboe-Craik Postu Administrativu Atsabe Munisipiu Ermera
“Akontesimentu ne’e mosu, wainhira vitima mai bazar iha merkadu Atsabe Vila maka hetan sona husi autor MS”. Jornalista SAPNewsTL John Marito akompanha direita iha terrenu, Merkadu Atsabe, 31/10/2023
Hafoin akontesementu ne’e akontese, Jornalista SAPNewsTL tenta halo komfirmasaun ho parte PNTL ne’ebe tun kedas iha fatin akontesementu maibe rezeita fo informasaun.
Enkuantu, Polisia Nasional Timor Leste (PNTL) kaptura autor ne’ebe komete violasaun ne’e hodi submete ba prosesu investigasaun tuir lei ne’ebe vigora iha estadu Timor Leste
Alende ne’e mos jornalista koko atu hala’o intervista ho parte familia maibe la fo informasaun kona ba kauza husi kazu ne’e
Daudaun ne’e mate isin iha ona familia nia residência hodi Kontinua ba nia prosesu funerária, entretantu, Autor kometidu iha ona segurança nia liman hodi submete ba prosesu investigasaun.
Jornalista : Jonh Marito