Dalan Ba Natál ! PR Horta Fo Perdua Ba Emilia & Madalena Ho Indultu

SAPNewsTL, Dili : Iha ámbitu dalan ba selebra natál no tinan foun 2024, Presidente Repúblika José Ramos Horta liu husi nia kompeténsia rasik fo ona indultu ba sidadaun na’in rua hanesan Emilia Maria Valéria Pires no Madalena Fernandes Belo Hanjam

Presidente Repúblika José Ramos Horta liu husi Konstituisaun RDTL artigu 85⁰ alinea i no dekretu lei Nú. 125/2023, 12 Dezembru fo indultu ba Emilia Maria Valéria Pires no Madalena Fernandes Belo Hanjam hafoin rona guvernu dasia

“Presidente Repúblika ho nia kompeténsia rasik bazeia ba artigu 85⁰ alinea i, Konstituisaun Repúblika Demokrátika Timor Leste fo indultu total ba Emilia Maria Valéria Pires no Madalena Fernandes Belo Hanjam ne’ebe Tribunal Judisial Primeiru Instánsia fo pena iha loron 7 Outobru 2022 ho nú. NUC 1212/12 PDDIL”. SAPNewsTL asesu liu husi Publikasaun iha Jornal Repúblika ne’ebe publika iha loron, 14/12/2023

Presidente Repúblika José Ramos Horta liu husi nia kompeténsia rasik iha Konstituisaun Repúblika Demokrátika Timor Leste (K-RDTL) artigu 85⁰ alineia i katak Prezidente da Repúblika iha kompeténsia exkluziva atu fo Indulta no komuta pena, hafoin rona tiha Governu.

Informasaun ne’e SAPNewsTL asesu liu husi Portal Ofisial Jornal da Repúblika iha loron 14 Dezembru 2023. Enkuantu daudaun ne’e sidadaun nain rua (2) ne’ebe hetan indultu husi Presidente Repúblika ne’e hetan deit akuzasaun pena prizaun maibe seidauk tama ba prizaun.

Entretantu, desizaun ne’ebe Prezidente Repúblika foti hodi fo indultu ba sidadaun feto na’in rua ne’e, halo nitizen barak preokupa no komenta katak Prezidente Repúblika presiza halo klarifikasaun ba desizaun ne’e.

Jornalista : Marcela Mery da Costa