Raul Ho Idade 66 Seidauk Simu Osan Idozu, Suru Rai-Henek Sustenta Moris
Imajen Intervista Raul da Costa iha nia servisu fatin, Mota Comoru, 07/12/2022
SAPNewsTL, Dili : Raul da Costa ho idade neennulu resin neen (66) husi Munisipiu Ainaro hela iha Muisipiu Dili Postu Administrativu Dom ALeixo Suku Comoro Aldeia Moris Foun C, daudaun ne’e nia hala’o nia kna’ar hanesan Pinera rai henek iha mota laran hodi sustenta ba nesesidade uma laran no selu oan sira nia eskola.
“Ha’u mai husi Munisipiu Ainaru hela iha Aldeia Moris Foun C, ha’u nia Moris Lor-loron sempre Pineira rai-henek iha mota laran hodi hetan Osan uitoan, nune’e bele sustenta ba nesesidade uma laran no selu oan sira nia eskola, tuku lima dadersan ha’u prepara hodi ba pineira rai henek depois de loro matan sa’e ha’u fila ba Uma hodi deskansa uituan hafoin kontinua fali nune’e bele hetan osan uitoan”. Tenik Avo Raul da Costa ba Jornalista SAP News TL iha Mota Comoro, 07/12/2022
Avo Raul haktuir Maske loron manas nia la kolen no baruk atu buka moris liu husi pineira rai henek tanba nu’udar aman labele tu’ur de’it uma se’e la buka, se’e mak atu buka osan
Raul da Costa laiha servisu seluk ne’ebe nia atu halo, nia pineira rai-henek desde tempu Indonesia nian, atividade pineira rai-henek ne’e sai alternativa ba nia hodi desenvolve ninia moris, nia la baruk tanba nia toman ona ho servisu ne’ebe mak nia halo lor loron, rai henek ne’ebe nia pineira hahu husi tuku lima dadersan no tuku sanulu nia sei ba fali uma depois tuku tolu nia pineira to’o oras ne’ebe mak nia fila ba uma
Imajen Avo Raul da Costa Pineira Rai henek
Entretantu, nia akresenta iha tempu ne’ebe udan rai henek barak mak mota sobu no osan ne’ebe nia hetan ho folin ne’ebe mak la hanesan ho tempu, wainhira udan laiha kada loron nia hetan dolar sanulu resin lima no depende ba kareta ne’ebe tula no osan ne’ebe nia hetan sustenta ba uma laran la to’o.
Katuas ho idade 66 ne’e mos informa to’o agora ladauk simu osamentu idozu tanba ema la konsege fasilita nia dokumentu ho diak, nia mos husu ba xefe atu bele fasilita nia maibe seidauk iha resultadu
Avo ne’e mos husu ba aman inan sira, Adultu no joven sira labele baruk no tu’ur de’it iha uma maibe tenke buka no servisu makaas liu tan hodi desenvolve no hadia familia ninia kualidade moris
Jornalista : Aquelina mangalhaes
Editor : Ekipa Editorial