Defende Liberdade Imprensa & Expressaun ! CI & PJR Asina Nota Entendimentu
Imajem : Prokurador Jeral Alfonso Lopes iha salaun konsellu imprensa kintal-boot Dili, 16/07/2024
SAPNewsTL, Díli – Eleva liberdade imprensa iha Timor-Leste, hodi defende direitu asesu informasaun, direitu liberdade no direitu ba expresaun, Konselho imprensa (CI sigla Portugués) asina nota entendimetu ida ho instituisaun Prokurador Jeral Repúblika (PJR)
Prezidente Konsellu Imprensa (CI) Otelio Ote hateten, objetivu estabelese nota entendimentu ida ne’e hanesan parte ida husi komprimisiu, Konselho Imprensa (CI) nian, oinsa koopera ho instituisaun relevante sira ne’ebe hala’o knaar importante relasaun ho area komunikasau sosial nian.
“Ministériu públiku nia servisu kuaze atu hanesan mós Konselho impremsa (CI) buka atu defende direitu ema nian liu-liu ba direitu asesu informasaun, direitu liberdade opiniaun, direitu ba expresaun, maibe ita mos hatene katak iha implementasaun ka iha ezekusaun husi direitu sira ne’e iha parte balun, ita presija atu koopera,” Informa Prezidente CI Otelio Ote, ba Jornalista sira iha salaun CI Quintal Boot Tersa, (16/07/2024)
Nia salienta, Konselho Impresa nu’udar instituisaun orgaun reguladora média nasionál ne’ebe hala’o nia kna’ar importante tebe-tebes iha Timor-Leste hodi kontrola informasaun sira ne’ebe média sira publika, tamba ne’e KI prontu koopera ho organizasaun balun ka estock ne’ebé relevante area komunikasaun sosial liga ba
produtu jornalístiku sira ne’ebé mak jornalista sira produz husi meius plataforma komunikasaun sosial, sira ne’ebe durante ne’e lori mós efeitu positivu no negativu ba sidadaun sira, Tenik nia.
“Sidadaun sira mak sente prejudikadu ho produtu jornalistiku baibain fila-fali ba jornalista rasik bele iha konsiensia penal sivil ka lori ba kodigu penal entaun ita koopera ho Ministériu Públiku atu hare ba desisaun sala ka produtu jornalistiku, ita resolve liu husi mekanismu regula lei resolve tuir prosesu ka mekanismu direitu resposta, direitu da ratifikativu, liberdade imprensa”.
Imajem : Presidente Konsellu Imprensa (KI) Otelio Ote
Prezidente orgaun reguladora média nasionál ne’e hatutan, aleindé asegura jornalista sira hodi ezekuta orden no fo espasu ba jornalista sira, Ministeriu Públiku eleva mos jornalista sira nia koñesementu atu halo kobertura kona-ba
asuntu ilegal, no prosesu legal tuir lei.
“Oinsa ita entende kona ba aspektu lei sira ne’ebé produz relasiona ho lei sira no aspektu ne’ebé tama mós iha ministeriu públiku, nota entendimentu to’o ona nia tempu katak ita atinji ona progresu ruma, agora ita haree kapasidade liu husi jornalistiku, formasaun sira atu konhese prosesu legal kona ba lei sira relasiona ho serbisu ministeriu públiku, oinsa ita nia desiputa jornalistiku lori mai konselho imprensa (KI) atu resolve”.
Iha fatin hanesan, Prokurador Jeral Alfonso Lopes afirma, nota entendimentu ne’e ninia objetivu atu reforsa liberdade imprensa ne’ebé diak liu sempre ho responsabilidade tanba hotu- hotu iha Timor moris iha pais demokrátiku ne’ebe nakonu ho liberdade imprensa no liberdade expressaun.
“ita iha komisaun internasional liberdade privasidade, bom nome ne’e mos sita iha komisaun ida ne’e ajuda futuru atu aumenta komprende lei komunikasaun sosial, ho lei kuadru legais balun ita nu’udar Timor oan, ita presiza koñese papel jornalista media ne’e importante iha ita nia país”.Prokurador Jeral Alfonso Lopes
“Ministériu Públiku orgaun dixiplina ediontoljia, etika ne’ebe bele melhora oinsa media koñese no hetan razaun elevadu tanba kada país nia kultura la hanesan país osidental nian, ema husi oriental ema Timor ne’e liafuan tenke aruma didiak ba oin, ita sei la’o ho diak”, Nia Hakotu.
Jornalista : Dircia Baptista Belo