Deklara La Fera Foho Ramelau, APMT Promete Halo Estrada To’o Ramelau Tutun

SAPNewsTL, Dili : Presidente Partidu Associação Popular Monarquia Timorense (APMT) Agustinho Tinolina Liu husi Talk Show Ne’ebe prense iha Programa Espesiál Mídia SAPNewsTL Segunda Feira orseik, Deklara Timor Tenki Iha Moeda Rasik, maske halo Osan rasik ne’e La’os fasil, maibe atu Tama ba ASEAN kriteriu ida mos maka Moeda, Nia sublinha Partidu APMT mos sei la fera foho Ramelau, maibe sei halo estrada to’o Ramelau tutun

“Timor Tenki Iha Moeda Rasik, Ha’u Hatene ne’e difisil, Maibe To’o loron ida, Ita tenki hamutuk iha konsensu hodi produs Ita Nia Osan rasik, Wainhira IHA halo negosiasaun Banku Mundial, tanba atu Tama ba ASEAN rekezitu ida mos moeda Nasaun nian, ne’e Importante “. Tenik Presidente Partidu APMT Agustinho Tinolina, iha Fomentu, Dili, 15/05/2023

Tinolina hatutan, ” APMT sempre konsistente, Halo Sai Mak Nia Koalia, no koalia saída Mak Nia halo, APMT durante ne’e desenvolve ona setor Agrikultura, wainhira hetan Konfiansa ami sei hadia liu tan setor ne’e hodi Hasa’e Produsaun Agrikola, Nune’e bele reduz Importasaun no garante sirkulasaun orsamentu iha Nasaun klaran”. Nia Promete

Presidente Ezekutivu Partidu APMT ne’e mos akresenta, APMT mos sei Desenvolve sítiu turistiku Sira hodi dada turista Nasional no Internasional hodi Sira bele lori Osan Mai Rai Laran, Liu husi hadia infraestrutura básika Hánesan Bee moos, Estrada, eletrisidade, Ospitalidade no kuidadu ambiental iha Timor Leste

Iha Parte seluk, Kestaun Fera Foho Kablake, Ramelau no Matenian, ne’e Nudar filosofia Partidu APMT nian, sentidu husi filosofia ne’e Matak hadia infraestrutura Sira liga ba foho tolu ne’e no halo estrada Sa’e ba foho tutun Ramelau

“Kestaun Fera Foho Ramelau ne’e, Ami nia filosofia Partidu APMT nian, katak atu hadia infraestrutura básika ba Foho Ne’ebe potência ba Turizmu Liliu Ramelau, Ita sei halo estrada To’o leten para Ema Ne’ebe Hakarak ho Karreta Mak Sa’e bele uza no Sira Ne’ebe Hakarak La’o belê La’o deit”. Nia Deklara

Entretantu, Antes ne’e APMT mos afirma hodi hadia setor saúde, Edukasaun, Ekonomia, justisa no Planu ordenamentu urbanu iha Kapitál Nasaun Timor Leste

Jornalista: Conzita Mota