Dekretu Lei Nú. 33/2008 Válidu Ba Area Urbana, Oho Povu Nia Balada Konsidera Krime
Imagen Seminariu Nasional ne’ebe organiza husi SLXRR no Forum Justisa Popular
SAPNewsTL, Dili : Sala Leitura Xanana Gusmão Reading Room hamutuk ho Forum Justisa Popular (FJP) realiza Semináriu Nasional ho tema jeral implementasaun Dekretu Lei Numero 33/2008, Higene e Orden Públikas iha Timor Leste, Dejafiu no progresu, iha Palestra Orador Armindo Moniz Amaral konsidera lei refere bele aplika ba area urbanu sira no la autoriza oho povu nia animal
“Tuir Perspetivu akademiku iha Ita nia rai laran, lei (Dekretu Lei Numero 33/2008) refere aplika deit iha area Urbanas (ibu kota kabupaten) labele inventa sasan, lei ne’e la autoriza oho povu nia animal, tanba ne’e aktus sira oho povu nia animal, parte ida hosi krime, lei ne’e fo kompetensia vigilansia ba polísia no funsionária administrasaun munisipal”. Tenik Armindo Moniz Amaral iha sala Leitura Xanana Gusmão reading room, Tersa-Feira ( 04/10/22)
Entretantu, Diretora Nasional Organizasaun Urbana Maria Gorreti Marques Belo hateten dekretu lei ne’e nu’udar meiu ida hodi fanun konsiensia komunidade nian sulan animal ka halo nia luhan, nune’e bele evita ka kontribui ba reduz dezastre sira ne’ebe mosu kazu husi balada sira
Diretor ne’e mos Hato’o nia felisitasaun no agradese ba komisaun no estudante sira hotu tanba bele hola inisiativa hodi loke forum ida ne’e hodi hafanun sosiedade
Entretantu, Universidade de Paz Fakuldade Direitu Jeral Agustino De Jejus hateten Dekretu lei (Dekretu Lei Numero 33/2008) ne’e ninia implementasaun ladun diak tanba menus konhesimentu
“Ha’u nia observasaun governo liu husi ministériu Estatal la halo sosializasaun klean entre Presidente Autoridade, Administrador do Postu no populasaun, implementasaun lei ladun diak tanba menus konhesimentu, guvernu presiza halo lei ne’ebe tenki relevante ba sosiedade ninia moris labele prejudika fali sosiedade ninia moris”. Dehan Agustino
Nia akresenta Governu no populasaun tenke koopera malu, nune’e wainhira iha problema ruma bele servisu hamutuk hodi resolve, entretantu Forum Justisa Popular halo diskuzaun ne’e tanba iha loron hirak liu ba Autoriedade Munisipiu Covalima orienta hodi oho povu nia balada sira hanesan Fahi no seluk tan
Enkuantu, Seminariu ne’e hetan partisipasaun maksimu husi Estudante Universitariu sira husi UNPAZ, UNTL, DIT, IOB inklui universidade sira seluk
Jornalista : Antonio Tilman & Juvita Sarmento
Editor : Ekipa Editorial