Deniel Fo ‘Knock Out’ Ba Sakti ! Misaun Kumprida & Vitória Konkistadu
Imajem : Boxista Deniel D. A. Belo iha Bali, 09/02/2025
SAPNewsTL, Bali : Iha Boxing Atlas Super Club Bali, Indonésia, Boxista Timoroan Deniel D. A. Belo fo Knock Out (Kalah Rebah) ba Sakti tanba labele ona hodi kontinua fight to’o tempu remata, hafoin hamonu nia iha ronda datoluk.
Manan na’in Deniel D. A. Belo agradese ba Maromak, treinador sira, Primeiru Ministru Kayrala Xanana Gusmão, Ministru Juventude Desportu Arte no Kultura (MJDAK) patrosinador sira no Timoroan hotu ne’ebé suporta inklui sira ne’ebe iha Korea Sul, Austrália, United of Kingdom (UK) iha eventu HW Sports Show (HSS) Bali.
“Agradese no obrigadu barak ba Primeiru Ministru Xanana Gusmão, MJDAK, treinador, patrosinador, Timoroan sira hotu ne’ebé ajuda no suporta ekipa ne’e, obrigadu barak ba Timor Telekom, Timoroan sira iha Korea Sul, Austrália no UK, obrigadu barak ba povu Timor-Leste”. Tenik Deniel D. A. Belo liu hosi ninia treinador iha Bali, 09/02/2025
Representante Manan Na’in ne’e fo mós agradese ba HW Sports Show (HSS) tanba bele fo espasu refere ba Timoroan hodi partisipa.
“Obrigadu barak ba HSS (HW Sports Show) tanba bele fo espasu ba ami hodi hola parte, HSS diak liu no importante tebes ba Timor-Leste, agradese wa’in”. Nia sublinha
Imajem : Deniel D. A. Belo & Délio Anzaqueci Mouzinho.
Vitória ne’ebé Deniel D. A. Belo konkista liu hosi halakon Sakti hosi Nasaun Vizinhu Indonésia ne’e halo Timoroan barak orgullu no kongratula boxista manan na’in ne’e tanba lori Timor nia naran hatudu ba mundu no konsege konkista vitória iha komunidade internasionál nia matan.
Orgullu boot ba Timoroan hotu-hotu iha rai laran no rai-liur ne’ebé konsege apoiu direita tantu indireta ba boxista foinsa’e Timoroan ne’e. Parabens, Parabens no Parabens Daniel Belo
Fo hanoin fali katak Boxista Délio Anzaqueci Mouzinho mós konkista vitória hasoru Alisher Ismailov hosi nasaun Uzbequistão tanba Délio hamonu no knock outros ba nia iha inisiu ronda daruak.
Jornalista : Conzita Mota
