Guvernu Kontinua Kontrata Traballador 143 Ba Australia

SAPNewsTL, Dili : Sekretária Estadu Formasaun Profisionál no Empregu liu-husi Diresaun Nasionál Empregu Exteriór iha loron Sexta-Feria orseik, iha salaun DNEE Bekora, realiza serimónia despedida no asina deklarasaun hó família traballadór na’in 143 ne’ebé sei ba servisu iha Australia fulan Novembru no Dezembru tinan ne’e

Iha serimónia ne’e Diretór Diresaun Nasionál Empregu Exteriór Filomeno Soares hateten, serimónia asina deklarasaun ne’e hanesan konkordasia ida husi família traballadór katak, prontu ona atu husik ita nia fen, la’en ka nia oan atu ba servisu iha Australia la’os governu maka obriga, nune’e mosu problema ruma parte rua iha hotu responsabilidade hodi rezolve.

“Ha’u apela ba família traballadór sira katak, labele halo problema hodi prezudika sira nia servisu, karik sira haruka osan mai atu utiliza hó didi’ak, tanbá antes sira hetan osan sira hasoru servisu ne’ebé todan tebes”.  Dehan Filomeno Soares  iha Salaun DNEE  25/11/22

Diretór ne’e mós husu ba joven Timor-oan na’in atus-ida-haat-nulu-resin-tolu (143) ne’ebé hetan ona oportunidade ne’e, servisu atu hatudu komportamentu ne’ebé di’ak labele halai ses husi sistema, Nune’e bele hetán nafatin konfiansa husi empregadór sira

“Hatudu Komportamentu diak iha servisu fatin, kuda konfiansa  nune’e bele loke nafatin dalan empregu ba ita nia joven sira ne’ebé hein hela oportunidade servisu”.Nia tenik

Nia hatutan, servisu iha ema nia rain la’os permanente, maibé ba servisu atu aproveita hetan esperensia no manan ema nia osan, nune’e fila mai bele hadi’a ekonomía família no kresimentu ekonomía nasaun Timor-Leste.

Enkuantu, antes ne’e traballador sianulu resin ida (91) asina uluk ona deklarasaun, portantu trabalador hirak ne’e sei dezloka hotu ba Australia iha fulan ne’e no fulan oin

Journalista  :  Jonh Marito

Editor           :  Ekipa Editorial