Durante Semana 1 ! APC Rejista Komunidade 85 Sofre Dezastre Natural
![](https://sapnewstl.com/wp-content/uploads/2024/07/IMG-20240715-WA00322.jpg)
Imajem : Xefi Relasaun Externa Autoridade Protesaun Sivil (APC), Nelson Nunes de Orleans iha salaun APC Kaikoli, 15/07/2024
SAPNewsTL, Díli – Autoridade Protesaun Civil(sigla portugues APC), iha fulan jullu registu familia afetadu 85 ba kazu dezastre naturais ho tipu insendiu, erozaun, no anin bo’ot.
Gabinete Relasaun Externa no Komunikasaun APC, rejistu tipu kazu dezastre naturais hamutuk 25, insendiu, erozaun, no anin bo’ot afeta uma (20) hetan estragus no familia afetadu hamutuk 85 mak sai vítima.
Tuir Xefi Relasaun Externa Autoridade Protesaun Sivil (APC), Nelson Nunes de Orleans hateten, durante fulan jullu nia laran APC liu husi ekipa turnu, munisipiu serbisu hamutuk ho ekipa nasionál observa katak durante semana ida iha rejiaun Timor-Leste normal no akontese tipu dezastre, insendiu, erosaun, no anin boot hodi rezulta komunidade nia uma hetan estragus
“APC rejistu tipu kazu dezastre anin bo’ot no rai halai numeru uma estragus 20, ema afetados 85, iha munisipiu Aileu anin sobu uma ida (1), munisipiu Bobonaro anin sobu uma rua(2), munisipiu Baucau anin sobu uma haat(4 ), munisipiu Ermera anin sobu uma ida(1), munisipiu manatutu anin sobu uma rua(2),iha munisipiu Viqueque rai halai hanehan uma ida(1) hetan estragus no anin sobu uma hamutuk lima(5), munisipiu liquisa anin sobu uma tolu(3), no Região Administrativo Especial Oe-cusse Ambeno(RAEOA) anin sobu uma ida(1)”,Dehan Xefi Relasaun Externa Autoridade Protesaun Sivil Nelson Nunes de Orleans, ba Jornalista sira iha salaun APC Kaikoli, Segunda (15/07/2024)
Nia hatutan hafoin akontesimentu Komandu APC munisipiu ho parseirup relevante sira fornese ahi-han(food item no Non-food item), asistensia emerjensia ba familia afetadu sira iha fatin akontesimentu entaun Komandu operasional APC munisipiu kontinua halo levantamentu detallu kona-ba sasan ne’ebe estragus no lakon
“Ita nia ekipa APC iha Munisipiu serbisu hamutuk ho parseiru relavante sira tun direita ba fatin akontesimentu hodi halo intervensaun ba komunidade sira ne’ebe hetan dezastre ita nia ekipa apoiu emergensia ba komunidade afetados sira”.nia salienta
Enkuantu, tuir dadus ne’ebe APC relata hatudu katak iha Munisipiu Aileu Postu Administrativu Aileu Vila Suku seloi kraik, Aldeia Fatumane iha loron 9/06/2024 akontese anin sobu komunidade nia uma ida(1).
Munisipiu Bobonaro Postu Administrativu Maliana suku uma saburai Aldeia Mabiloa iha loron 11/07/2024 akontese anin sobu komunidade nia uma rua (2), Munisipiu Baucau postu Quelecai suku Guruca Aldea saebere iha loron 9/07/2024 akontese anin sobu uma haat(4).
Munisipiu Ermera Postu Administrativu Hatulia B Aldea caterloa Suku Urahou, Aldeia Cater loa, iha loron 10/07/2024 akontese rai halai estraga komunidade nia uma lima(5), Munisipiu manatutu postu administrativu laklo suku uma kaduak Aldeia Hahihoho iha loron 8/07/2024 akontese anin sobu komunidade nia uma ida (1 ).
Munisipiu liquiça postu maubara suku vatuvou aldeia lebukaliti iha loron 10/7/2024 akontese anin sobu komunidade anin sobu uma (2), munisipiu RAEOA postu administrativu Netibe suku Benufe aldeia Manan iha loron 9/7 2024 akontese anin sobu komunidade uma ida(1), no iha Munisipiu viqueque postu vila suku Bahalarawai aldeia Aidak iha loron 20/6 2024 akontese anin sobu komunidade uma rua(2).
Jornalista : Dircia Baptista Belo