Ekonomia Mihis, Negosiante Armozi Fa’an Nuu Sustenta Familia No Selu Eskola

SAPNewsTL, DILI : Realidade Moris ne’ebe difisil obrigadu Armozi da  Costa Pereira esforsu servisu hanesan negosiante ambulante faan nu’u lor-loron iha luron hanesan iha jardin largo lecidere, buka osan hodi sustenta ekonomia uma laran nian, maske hetan rendimentu ne’ebe kiik tebes

Tuir negosiante ambulante Armozio da Costa Pereira hateten nuu ne’ebe nia fa’an hodi Responde ba familia Uma laran no selu kos kada Fulan balun no osan balun uza ba nesesidade lor-loron nian

“Nesesidade uma laran obriga Ha’u hodi fa’an nu’u atu Responde ba ekonomia Uma laran no selu uma kos kada Fulan no balun uza ba nesesidade lor-loron nian,”dehan Armozio da Costa Pereira ba Jornalista SAPNewsTL iha Largo Lecidere, segunda (11/07).

Nia informa tan, nuu ne’ebe Nia fa’an kada loron ida hetan $10 dolar  no dala ruma sa’e liu ba $30 dolar depende ba ema mai hola, kuandu ema ladun mai hola, osan ne’ebe nia hetan uituan deit

“Ha’u hahu fa’an nuu komesa  tuku 7:00, Ha’u komesa fa’an nuu ona   to’o jam 6:30 lokraik mak Ha’u foin fila ba uma no osan ne’ebe ha’u hetan $10 dolar  no dala ruma sa’e liu ba $30 dolar no Osan ne’ebe Ha’u hetan Fula-Fulan Ha’u selu kos  no balun uza ba nesesidade lor-loron nian no balun Haruka ba foho  hodi selu alin sira nia eskola”.dehan nia.

Enkuantu, Negociante ne’e mai husi Munisipiu Baucau no mos dadauk ne’e hela iha kos, la iha servisu ida ne’ebe mak diak ba nia hodi servisu, nune’e ho situasaun ida ne’e nia halo ninia knaar nu’udar negosiante ambulante iha Jardin Largo-Lesidere

Jornalista  : Domingas da Conceiçã & Maria de Jesus Dasi-Mau