Estrada Aat, Ahi Mate Lakan Iha Ermera, Deputadu CNRT Husu MOP Rezolve
Dili, 27 Junhu 2022 : Deputadu Bankada Congresso Nasionál de Reconstrução de Timor (CNRT) husu Ministério Obras Públikas (MOP)) tau atensaun ba Infraestrutura (Estrada) no Ahi iha Munisipio Ermera liliu Estrada Ligasaun Postu Administrativu Glenu to’o Hatulia
Deputadu Bankada Congresso Nasionál de Reconstrução de Timor (CNRT) Domingos Lopes Lemos saran lia hirak ne’e iha plenária ne’ebe realiza iha segunda-feira ohin iha Parlamentu Nasional
“Estrada iha Municipio Ermera Postu Administrativu Glenu ba to’o iha Hatulia horseik deit halo dalan sai aat liu to’o agora dalan ne’e seidauk hadia, estrada iha abrigu Nino Konis Santana nian ne’e até agora la iha mudanca ” Tenik Deputadu Bankada CNRT Domingos Lopes Lemos iha PN, segunda-feira, 27/06
Deputadu ne’e mos kestiona kona-ba eletrisidade ne’ebe mate la para iha Postu Administrativu Gleno inklui Letefoho ho Hatulia ne’ebe mos kontinua mate lakan
“Husu mos ba Ministério Obras Públikas (MOP) tau atensaun ba problema hirak ne’ebe mak Munisipio Ermera hasoru hanesan eletrisidade ne’ebe mak sai problema populasaun sira.”hateten nia.
Jornalista : Lidia Amaral