ESG Konis Ermera Iha Diretor Dupla, Deputadu Domingos Lopes Ezije MEJD Tau Atensaun
Dili, 27 Junhu 2022 : Deputadu Bankada Congresso Nasionál Reconstrução Timorense (CNRT) Domingos Lopes Lemos husu ba Ministerio Edukasaun Joventude no Desportu (MEJD) tau atensaun ba estrutura Eskola Sekundaria Nino Konis Santana Ermera ne’ebe dupla no merenda escolar ne’ebe seidauk la’o, maske eskola seluk la’o tiha ona
“Eskola Sekundário Nino Konis Santana, iha Diretor rua, iha Adjuntu rua, Gabinete Apoiu Tenkiku (GAP) rua, tanba ne’e husu ba MEJD atu halo kontrola ba buat hirak ne’e hotu, nune’e la bele halo fali estudante sira sai vitima ba iha ita nia hakarak sira.” Tenik Deputadu Bankada CNRT Domingos Lopes Lemos iha PN, segunda-feira, 27/06/2022
Iha fatin hanesan, deputadu bankada CNRT husu MEJD atu tau atensaun mos ba iha merenda eskola Ermera, tanba eskola sira seluk hetan ona merenda eskolar nian, maibe husi Munisipiu Ermera nian seidauk
“Atu nomeia ema ba iha estrutura ne’e iha ema ida laos ema rua mak ba iha fatin ida hanesan diretor da eskola nian no adjuntu da eskola nian, ne’e tau ema ida deit laos tau ba ema rua, husu ba Ministerio Edukasaun Joventude no Desportu (MEJD) toma atensaun ba buat hirak ne’e.” hakotu nia
Jornalista : Lidia Amaral