Estudante MRS Kestiona FFTL Seida’uk Hala’o Liga Timorense 2022
Imajen Estudante Movimentu Resistensia Sosial Omar Pereira
DILI-Estudante Movimentu Rezistensia Sosial (MRS) kestiona Federasaun Tanba Saida Futebol Timor-Leste (FFTL) seidauk hala’o Liga Timorense Epoka 2022
“FFTL tenki tau atensaun ba ita nia futebol iha Timor-Leste tanba ida ne’e bele hamenus problema juvetude sira iha Timor-Leste, ha’u rekomenda ba FFTL tenki tau atensaun seriu ba problema saida mak ita nia Liga Timorense Epoka 2022 ne’e agora paradu hela ne’e”, Tenik Estudabte MRS Omar Pereira ba jornalista sira salaun CNE Caicoli, Dili kuarta (9/10).
Omar akresenta, organizasaun desportu mundial FIFA hamutuk ho governu sempre apoiu orsamentu ho montante boot tebes mai FFTL hodi dezenvolve futebol iha Timor-Leste maibe seidauk dezenvolve ho diak tanba tinan ida ne’e Liga Futebol Timor-Leste paradu hela.
Estudante ne’e afirma, Liga futebol iha Timor-Leste presiza muda nia sistema dezenvolvimentu
“Keta iha Timor-Leste mosu korupsaun iha ita nia parte kompotente tanba tinan ida ne’e ita nia liga futebol la la’o ne’ebe sai hanesan problema boot ba ita nia juvetude sira liuliu jogador sira iha Timor-Leste tan ne’e dezenvolvimentu futebol iha Timor-Leste ita presiza muda ninia sistema no problema desportu akontese iha tinan ne’e seriu tebes”, tenik Omar
Nia informa, hakarak futebol atu dezenvolve ho diak FFTL tenki tau ema ne’ebe iha kunesimentu klean ba futebol labele tau ema la ho kunesimentu iha futebol selae susar futebol la’o ba oin
Entretantu, tuir Informasaun ne’ebe SAPNewsTL asesu iha semana kotuk, katak Tuir planu Federasaun Desportu Timor Leste (FFTL) Liga Timorense Epoka tinan 2022 sei realiza iha fulan oin (Dezembru 2022)
Jornalista : Augusto dos Santos