Evita Abandona Eskola & Kaben Sedu, FOKUPERS Fasilita Formasaun Siklu Feto No Mane

SAPNewsTL, DILI- Hafoin Forum Komunikasaun Ba Feto Timor Lorosa’e (FOKUPERS) fasilita treinamentu ba professor sira kona ba siklu feto ho mane, Diretora FOKUPERS Maria Fátima Guterres Formasaun ne’e Importante tebes Tanba bele fasilita Professor Sira hodi tulun estudante sira ba futuru

Nia haktuir katak husi treinamentu ne’e laos foka liu ba deit estudante, maibe hanesan maneira kapasitasaun ba manorin sira

Informa nia katak”Iha asuntu rua ne’ebe presiza koalia hanesan kazu krime no kazu Sivil, Sivil mak sempre kontra regulamentu sira, maibe krime babain hetan diteita husi eskola sira, tanba ne’e Fokupers kolabora ho parseria xave sira no ba Assosiasaun estadu ne’ebe hare kona-ba labarik mak índdica ho UPS atu bele advokasia hamutuk”

Entertantu diretora ne’e haktuir katak bainhira sai Lideransa ne’ebe diak presiza dezenvolve iha setor edukasaun, tanba edukasaun lao diak mak futuru nasaun mos lao diak

Iha fatin hanesan, Direitor Eskola Calixa Viqueque Risoto Soares do Rosário hatutan, “formasaun durante loron 2 iha fatin ne’e oinsa mak ita bele kuidadu siklu estudante feto no mane, dalaruma abandona la kontinua sira nia estudu no kaben sedu, tanba ne’e liuhusi formasaun ne’e ba futuru bele akumula no enkoraja hodi evita ou miniza Iha futuru”.

“Aleinde husi formasaun atu rekomenda ba IX governu liu-liu parte edukasaun karik formasaun ne’e fo valor ba parte edukasaun entaun bele inklina iha kurikulum edukasaun atu nune’e bele kontinua implementa iha nivel ensinu ne’ebe estabelese,” nia realsa.

Nia nota katak VIII governu konstituisional durante hala’o konstrusaun ne’ebe realiza husi grupu komunitariu sira no oras ne’e dadaun por-volta 80% mak entrega ona ba eskola sira.

“Maibe sei falta meza ho kadeira ho nune’e husu IX governu bele fasilita hela ekipamentu ba konstrusaun foun ne’ebe durante VIII governu husik ou konstrui ona, tanba eskola segundaria geral agora dadaun Edifísiu La’o diak, maibe presiza deit fasilidade sira hanesan meza,kadeira, biblioteka no laboratório, tanba seidauk maximu hodi halo atendimentu ba estudante sira”.Nia konklui

Jornalista: Esmeralda da Silva