Fasilidade Públiku La Asesivel Ba Ema Defisiénsia, Esménia Husu Ema Hotu Halo Advokasia
SAPNewsTL, Dili : Plataforma Nasionál Bee, Saneamentu no Ijiene (PN-BESI-TL) Realiza aktividade sosializasaun ba estudante universitáriu sira ho tema “Influensia Politika Iha Setor Bee no Saneamentu Hodi Responde Ba Nesesidade Ema Ho Deficiénsia”, Objetivu husi dezaminasaun ne’e atu hasa’e konsiensia ema hotu nian hodi luta ba asesibilidade ema ho defisiénsia iha TL
“Objetivu prinsipiu ida maka atu sosializa no dezanima informasaun sira ba estudante sira hosi universidade oi-oin liu liu UNTL, DIT, UNPAZ, UNITAL, UNDIL no parte relevante sira seluk ne’ebé maka ohin marka prejensa iha ne’e atu hasa’e sira nia konsiensia no koñesimentu ligado ho desenvolvimentu setor be’e moos, saneamentu no higiene ninia integração ba igualidade géneru, inkluzaun social deficiência”. Tenik Esménia Laura Ximenes Presidente PN-BESI-TL ba Jornalista SAPNewsTL iha Auditorium FECT-UNTL Hera, Quinta-Feira, 30/06/2022
Presidente PN-BESI-TL Esménia Laura Ximenes ne’e observa katak to’o ohin loron fasilidade púbiku sira ne’ebé mak estabelese ka konstroi ona seidauk iha asesibilidade ba ema hotu-hotu liliu ba maluk sira ho deficiência
“Ita bele harée direita liliu iha eskola, iha postu saúde, fatin turismu sira, iha fatin públiku liliu hanesan ita haré iha Largo Lecidere, Jardim 5 de Maio, iha merkadu, iha tasi-ibun sira fatin sira ne’ebé maka seidauk iha asesibilidade ba ema ho deficiência”. Nia Sublinha
Nia hatutan infraestrutura bazika barak nia kondisaun ne’ebe maka la asesivel ba ema ho defisiensia sira no mos ba estudante sira dalaruma sira atu asesu ba toilet la iha rampak, la iha dalan ne’ebé mak sira bele utiliza wainhira sira ho kondisaun deficiência matan, difisiénsia ain ne’ebé mak uza kursi roda
Nia fundamenta iha polítika sira ne’ebé maka PN-BESI-TL hanoin iha planu estrategia ne’ebé mak halo atu bele haforsa liu iha servisu advokasia nian ba iha nivel governu, ajénsia sira, organizasaun sociedade sivil sira liliu hamutuk ho organizasaun membru PN-BESI-TL sira hodi kontinua advokasia nafatin
“Normalmente ami sempre hato’o ba ita iha Parlamentu Nasionál,Ministru das Obras Públikas, Sekretaria Estadu Meiu Ambiente, Sekretaria Estadu ba Igualdade no Inkluzaun, Ministériu agrikultura, edukasaun, saúde atu bele hola médidas oinsa atu bele asegura desenvolvimetu setor be’e moos, saneamentu ne’ebe inclusivu no asesivel ba ema hotu hotu ligado ba iha edukasaun, saúde, agrikultura no meio ambiente”. Dehan Presidente PN-BESI-TL
Enkuantu Presidente PN-BESI-TL Esménia Laura Ximenes informa mos katak PN-BESI-TL sempre iha servisu advokasia ida liu husi audiensia reunião regular ho ministerio relevante, aktividade selebrasaun global sira no workshop sira oinsa kontinua sosializa informasaun sira ba entidades hotu-hotu hanesan joven sira, komunidade sira iha área rurais inklui estudante sira
Jornalista : Sergio Alves da Costa
Editora : Marzinha Patricia Hornay